Xemsarîya Kurdên Musliman û Qirkirin Helepçe

Dilbirîn

Swêd, 17/3 2005- Kurdên Musliman ji xemsarîya xwe, îdî nema kirin wezîfeyên xwe yên mirovî û dînî bi cî bînin. Divîya bû partî û rêxistinên Kurdên Musliman bîr anînek berfireh li ser roja qirkirina Helebçe lidarxistina ku zimîn jê bihata û herkesî pê bîhîsya ku Kurdên Musliman wezîfa xwe bi cî anîn. Cîyê Bîranîna Şehîdan Mizgeft e, ne Dêr e. Îro milatê Kurd Şehîdên xwe di Dêran de bibîr tînin, sûcdar û gunekarê vê yekê Kurdên Musliman e, eger Kurdên Musliman wezîfa xwe bi cî bianîyana, wê bîranîna Şehîdên Kurd li Mizgeftê ba ,  ne li dêrê ba

 Meha Adarê ji bona miletê Kurd tê meneya pir tiþtan. Rojên reþ û  xweþ, ken û girî, þîn û þahî li hevdû diqelibn û  yek li pey yekê li  miletê Kurd dibin mêvan. Miletê Kurd di navbera ken û girî, şîn û şahîyê  de matmayî mane  ku  ka kîjanê ji wana hilbijêre. Di nav miletê Kurd de yên herî xemsar û bê havil, Kurdên  Musliman e.

Bê guman Qirkirina Helapçe, rûreþîya mirovayê û şermezarîyek ji bêdengîyê re ye. Her mirovek xwedî dil û wîjdan, divê bêdeng nemîne û dengê xwe bi qasî hêza xwe bilid bike û vê sosreta reş şermezar bike. Mixabin ew kesên gotina Xwedê û Pêxember ji devê wan dernakevin, li himberî qirkirina Helebçe bêdeng in.

Muhemed Pêxember (s.X.l ) di hedîsek xwe de di fermo; ( Ew kesên li himberî zulmê bêdeng bimînin, şeytanê lal in)

Derbarê  pirsa Kurd û qirkirina Helebçe de, ji Muslumana durûtir kesekî  tune. Devê kîjan Muslimanî vedibe, behsa Yekîtîya Ometa Muhemed Pêxember ( s.x.l) dikin, behsa biratîya Muslimanan dikin, behsa cîhad û li dijderketina zulmê dikin, lê dema mijar hat ser pirsa Kurd wek şeytanên kor, ya bêdeng dimînin, yan jî behsa îdolojîya partî û rêxistinên  kurdan dikin. Ev jî dide dîyerkirin ku Muslimanên Tirk, Ereb û Feris çiqas durûne.

Qirkirina Helebçe li seranserê Kurdistan û cîhanê tête bi bîr anîn û şermezarkirin. Her gurûb û rêxistinek bi gorî bîr û bawerî û derfetên xwe vê roja reş şermezar dikin. Lê ya herî girîng ewe, divê Kurdên Musliman bi vê pirsêve rabin û zêdetir eleqeder bin. Ji ber ku Kurd Musliman e û Şehîd jî, Şehîdê Musliman û Îslamêye.

Gotia Şehîd Û Şehadetê bi hatina Îslamê, ket rojeva dunyayê. Berîya hatina Îslamê di dînên din wekî dinê File û Cûhîyande, gotine Şehîd û mefhûmê şehadetê tunebû û piştî hatina Îslamê ji nûve dunyayê mefhûmê Şehîd û Şehadet zanîn. Ji xwe ew kesên di rêya heqîyê de were kuştin û Musliman be dibin Şehîd, ew kesên ne Musliman be bi gorî dinê Îslamê nabin Şehîd.

Kurdên Musliman ji xemsarîya xwe, îdî nema kirin wezîfeyên xwe yên mirovî û dînî bi cî bînin. Divîya bû partî û rêxistinên Kurdên Musliman bîr anînek berfireh li ser roja qirkirina Helebçe çêkiribana ku dunya bihejanda ku herkesî bi bîhîsta ku Kurdên Musliman wezîfa xwe bi cî anîn. Cîyê Bîranîna Şehîdan Mizgeft e, ne dêr e. Îro milatê Kurd Şehîdên xwe di Dêrê de bibîr tînin, sûcdar û gunekarê vê yekê Kurdên Musliman e, eger Kurdên Musliman wezîfa xwe bi cî bianîyana, wê bîranîna Şehîdên Kurd li Mizgeftê ba ,  ne li dêrê ba

Daxwazeka min ji wan kesên ku xwe serok û rêberên Kurdên Musliman dibînin heye, bila bi gorî emr û fermana dînê Îslamê tevbigerin û kar xebatên jê tên xwestin bikin, an jî.. bila  dev ji rêbertîya Kurdên Musliman berdin û wê bêhavilî û xemsarîyê xwe nekin para hemî Kurdên Musliman.