KSN/ 15/12 2005- Îroj seet di 7:00 sibê de, xelkê Îraqê çûn ser sandoqa dangdanê. Li Kurdistan û Îraqê xelk dengê xwe ji bona hilbijartina nûnerên Parlamentoya Îraqê didin. Serokê Kurdistanê Mesud Berzanî, li havîngeha Pîrmam li bajarê Selahedîn dengê xwe da û ji rojnamevana re got: Ev roj rojeke girîng û dîrokêye di dîroka Îraqê de û ez spasîya xelkên Îraq û Kurdistanê dikim bona vê beşdarîye berbiçav.

Serokê Îraqê Celal Telebanî, dengê xwe di dibistana Şehîd Cemal li Silêmanîyê seet di 7.00 sibê de da. Telebanî, ev rojeke dîrokî û deweta welat e û bang li hemû Îraqîyan kir ku beşdarîyê di vê cjna demêkirasîyê de bikin.

Bi piranî pirosesa hilbijartinê li Îraqê hetanî niha baş derbasdibe. Li Musil û Rimadîyê bombe teqîya û li Musilê yek hat kuştin.

Xelkê Îraqê ji bona midê çar salan wê nûnerên Parlamentoya Îraqê hilbijêrin. Di dîroka Îraqê de merû dikare bêje; ev cara yekemîne ku xelk bi îrada xwe diçin ser sandoqê û nûnerên xwe hildibijêrin.