KSN/ 9/12 2005- Pirsgirêka Kurd, di progirama ku Ali Kirca birêvedibir ya  Sîyaset Meydanîyê  di ATVê de  hat minaqişekirin. Di serî de daxwazim bêjim ku, progiramê bi tevayî brsîva hestên miletê Kurd û ew tiştên ku milet li bendêbû,  neda.

 Di serî de serokê HAK-PARê A. Melîk Firt, bi Kurdî silav li miletê kurd kir û ji wan serkeftin û serfirazî ji Xwedayê Dilovan û Mihrîban xwest.

Progiram ji sê beşan pêkdihat.

Yek terefdarên dewleta Kûr.

Dudu, Kurdên tirkîyatî û kemlizmê diparastin ku nunerên wan Siri Sakik bû

Sisê, Kurdên ku Federasyon dixwestin nuerên wan ji A. Melik Firat bû.

Bizanebûn an ji bêzanebûn, Mehmet Metîner jî wek terefê çaremîn dihat nîşandan û li dijî Sakik û Firta nêrînên xwe digot.

A.Melîk Firat, pir baş û bi wêrekî axifî û zulm û zoradrîya sîstema Tirk anîziman û got: Miletê Kurd ev bû deh hezar salên ku li ser axa Mezopotamyayê dijîn û 500 salî ji bi Osmanîyan re jîya, lê bi hatina Komara Tirk bi her zulmê re rûbirû man û hatin înkarkirin.

Firat, ji bona pirsgirêkên li Tirkîyê, Federasyên çareserîya herî baş e. Firat, nasnama min ew  nasnama ku Xwedê daye min ew jî nasnama kurdî ye.

Axiftina herî di dilê miletê Kurd de bi cî dibû û li gora hestên miletê Kurd bû ya A. Melîk Firat bû.

Nunerê DTPê Siri Sakik, li ser devê Imraliyê axifi û behsa ruhiyeta Ataturk ya sala 1921ê kir ku di wê demê de Mistefa Kemal gotiye ev dewlet ya tirk û kurda ye. Werin em vê ruhê Misetfa Kemal vejînin.

Sakik, yek dewlet, yak bayrak, yek ziman û di bin nasnama Tirkitiyê de, em çareserîyê dixwazin.

M. Metiner, disa dest bi edebyatê kir û rengê xwe yê heft reng raxist berçava. Metîner her carê dikeve rengekî.

 Demekî Îslamîyê tundbû, paşê bû Erbakanci û dûvre ket nav partiya HADEPê û niha ji bi zarê wî kurdê sipî( beyaz kurd) e.

Metîner, carna li dijî Sakik û carna jî li diji Federasyona A. Melik Firat di axifî û ew rexne dikirin.

Nizanim çiqas kurd li pey M. Metiner hene û li ser navê kê diaxfî. Heke meru herkes bi qasî giranî û hêza xwe bi axifîya, wê kesên zana û xwedî hêz pirsgirêk zu çareserbikirana.

Nivîskarê Yeni Şafakê Mustafa Karaalioglu, yek ji wan kesên ku axiftinên di cî de kir. Navê pirsgirêkê lê kir û astengîyên li himberî pirsgirêkê rêzkir.

 Karaalioglu, pirs ne pirsa teror û PKKê ye û divê em dev ji polemikên ku berê 15 salan dihatin kirin berdin. Lê Karaalioglu, tu rêyekî ji  çareserkirinê re nedît.

Umit Ozdag, li ser navê dewleta kur axifî û A. Melik Firat tehdîtkir. Ozda, hebûna dewleta Kur înkarkir û ji Firat re got heke dewleta Kur hebe niha tu ne li vir bû.

Ozdag, ji Melik  Firat re, tu nevîyê  Şêx Seîdê xayin e.

Di dawîya progiramê de,  keç û xortek mafê axiftinê girtin. Dîyar bû xort kurd bû û keçik jî tirk bû, lê herdûyan jî Mistefa Kemal diparastin û rêya çareserîyî bi tenê  di bin miletperwerîya Mistefa Kemal de, di dîtin.

Yek ji paymên  ku Sîyaset Meydanîyê da temaşevanên xwe  we bû ku, Kurdên Kemalîst bi çi awayî kemalizmê diparastin.

Abdulah Ocalan, di her hevdîtinên xwe yê bi parêzerên xwe re, behsa şoreşgerîya Mistefa Kemal dike û heyranîya xwe jê re dîyardike.

Ew ji dide nîşandan ku, xortên kurd di zanîngehan de, li ser ruhiyete Ataturk tên perwerde kirin.

Heke li dunyayê dadegeh û dadperwereke bi dad hebûye, wê kemalizim jî wek hîtlerîzmê bi hat mehkum û  qedexekirin. Îroj YEê Mistefa kemal û kemalîzmê ji bona ketinaTirkîye ya YEê asteng dibîne.

Lê tu were binêre, xortên Kurd di zaningehan de bi destê Apocîyan li ser ruhiyeta Mitsefa Kemal û kemalîzmê tên perwerdekirin.