Li Siûdîya Erebî bi navê Dîn zewacên ecêb hene

KSN/ 8/6 2005- Li Siûdîya Erebî li ser navê dînê Îslamê gelekî cureyên zewacê derxistine û kirin edet. Wekî zewaca normal ku em herkes dizewucin, zewaca seferî, zewaca nîvroyê û zewaca mut`e. Xelkên Siûdîya Erebî wextî ji bona bazirganî anjî tetîlê derdikevin dervayî welat,  bi jinek re dizewucin û bi hevdû re diçin tetîlê. Piştî ku ji tetîlê zivirîn peywendîyên wan dawî lê tê û navê vê zewaca jî kirine zewca seferî. Bixwîne

Zewaca hevînê anjî zewaca seyranê, di navbera jin û mêrên Siûdî yên karmend (iş adami) de çêdibin. Xelkên Siûdî îdea dikin ku ew ji bona kar û barên xwe derdikevin dervayî welat û ji bona ku nekevin nav tiştên ne li rê û gunehan nekin, ji boyî ku hatanî ji seferê bizivirin bi hev re dizewucin.

Şertên wan

Ew jina ku mêrê Siûdî ji bona midê seferê  pê re bizewuce, divê zimanê îglîzî nivîsîn û axiftinê qenc bizane, divê bejin û bala wê gelkî xweş be, ser û çevê wê gelkî bedew be, di axiftin û hemu tevgerên xwe de pir delal be û karibe xwe li gora her civakî `eyar bike û karibe here hercîya ku mêrik dixweze. Evana şertên mêra ne, lê şertên jinan jî ji yê mêran ne kêmtirin.

Şertên jinan jî ew e ku, 150 hezar rîyalê Siûdî, otomobîlên modela dawi û koşk û saraya bide wan. Pişt ji seferê zivirîn dis wakî berê têkilîyên wan qut dibe.

Meselakî me Kurdan heye dibêje; "Çû seferê hat, dîsa kerê berê"

Di eslê xwe de hinek ji dewlemend û kesên nefstenik ji Siûdîya Erebî  dixwazin wekî xelkên Ewrûpa bijîn, lê dixwazin rengê dîn bidin vê jîyanê.