KSN/ 2/9 2005- Piştî ku dewleta tirk nav li pirsgirêka Kurd kir, niha ji dixwaze mixatabê vê pirsgirêkê kifş bike ku pêre bide û bistîne. Ji bona dewletê pir çetine ku hima yekser bêje mixatabê min ev e. Dewletê, çewa pirsgirêka Kurd bi destê serokê PKKê Evdila Ocalan, kir pirsa Demokirasîyê; wê wusan jî mixatabê vê pirsê PKKê qebul bike. Ma kî bawer dike ku, ev gotinên serokwezîrê Tirk Erdogan û yê serokê Parlamentoyê Bulent Arinc, bê pîlan û pirojeyên dewletê hima ji ber xwe ve gotibin..?

Ew dewleta ku nav li pirsgirêka kurd kirîye, wê dewletê rêya çereserkirin û mixatabê vê pirsgirêkê jî kifş kirî û hêdî hêdî wî mixatabî dide naskirin.

Bi ya min pirsgirêk û  di gel rêyên çareserî û mixatabê vê pirsgirêkê, di gotinên Erdogan û yên Bulent Arinc de wek eynik dixwîye û kifş e kîne.

Dewleta Tirk dema behsa mixatabê pirsgirêka kurd dike, di eslê xwe PKKê terîf dike. Lê ji ber ku newêre xwe ji rayagişti ya tirk  xilas bike, navê PKKê nabêje bi tenê sifetên mixatabê pirsgirêkê dibêjin.

Ji rêxistin û kesayetîyên kurd, ji bilî PKKê tu kes xwedî li tirkîyatîyê, bayraka tirk û yekîtîya axa tirkyî dernakevin.

Erdogan, dibêje pirsa Kurd heye; lê divê dibin sîwana yek dewlet, yek milet û yek bayraka de, bi Demokirasîyê çareser dibe.

Serokê Parlamentoyê Bulent Arinc jî dibêjie; mixatabê pirsgirêka Kurd ne pkk û serokê wê ye, lê ew hemwelatîyên tirkîyê yên bi eslên xwe kurd in ku destê wan neketîye xwîna merivên bêrî û kes nekuştine û xwedî li yekîtîya axa  û byraka tirkîyê derdikevin, ewin mixtabaê pirsagirêka kurd.

Gelo ew kurdên ku Bulent Arinc terîf dike, kîne?

Biya min ji bilî PKKê tu kesekî din nîne.

PKK, xwedî li yekîtîta axa tirkîyê, bayraka wî û netewa herî serdet tirk û tirkîyatîyê derdikevin. Serokê PKKê Ebudlah Ocalan her car di çevpêketinên xwe yên bi abûkatên xwe  re dibêje; ji kurdan re ne dewlet, ne otonamî û ne jî federasyon pêwîste, belkî  ji kurdan re demokirasî pêwîst e û problema miletê kurd ya dewletbûnê tune, belkî ya Demokirasîyê heye.

Dema pirsgirêka Demokirasîyê hebe wêçaxê pirsgirêka Kurd tune. Pirsgirêka Kurd ne ya Demokirasîyêye. Pirsgirêka Kurd pirsgirêka man û nemana miletek e.

Ew kesên navê pirsgirêka kurd diguherînin dikin pirsgirêka Demokirasîyê, ew înkara mesela kurd dikin û dibin berdevkê dewleta Tirk.

Erdogan dibêje; dibe ku dewletê berê hin şaşîtî kiribin û îhtiraf dike ku dewletê şaşîtî kirîye, lê ew bi xwe jî wê sîyaseta ku va 83ê salin ku şaşîtî kirî dûbare dike.

Dewleta tirk hetanî niha digot, yek milet, yak bayrak û yek dwelet û Erdogan jî eynî şaşîtîyê dubare dike.