Serokkomarê Tirk Ahmet Necdet Sezer û serdana Suriyê

Sotckholm, 14/4 2005- Rejmên dîktator yek bi yek hildiweşin û yên din jî ji hilweşandinê re rû bi rû mane. Lê yê herî pir ji paşaroja xwe bi tirs "dewleta Tirk e". Dewleta Tirk ji her kesî bêtir; " ji ruxandina rejmên dîktator aciz dibe".  Dema hilweşandina rejma Sedam Huseyin de, dewleta Tirk wezîrê xwe Kurşat Tuzmen şand ba Sedam û gelekî peyman êmzakirin. Îro jî Serokkomarê Tirk serdana rejma bees ya dîktator kir.

Dewleta Tirk, ji bona ku rejma Sedam neyê hilweşandin a ji desta hat kir, lê tu fêde nekir. Vêca piştgirîya aligirê Sedam Huseyin dikin û ji wan kesên ku karê terorê li Îraqê dikin re dibêjin; "gurûba  berzwwdan".

Îro rejma Suriyê di devê gulêdaye û ew jî wekî rejma Sedam belkî rojên xwe yên dawî dijmêre. Lê digel vî ya jî Serokkomarê Tirk Ahmet Necdet Sezer, serdana rejma Şamê dike û dibêje Şam mala min ya duemîne.

Sedema vê serdana Sezer, ew e ku herdû dewlet jî naxwazin guherînên li heremê çêdibin bibînin û  çawa karin rê li  miletê Kurd bigirin ku ne gihên armanca xwe. Bê guman ev hewuldanên ku dewleta Turk di van rojên dewî de didin, her diçe dewleta Tirk di qada navetewî de bi tenê dihêle.

Dema mirov li rujnamê Ereb û yên Tirkan dinêre,  di xala yekemîn de herdû dewlet li ser pirsa Kurd û yekîtîya Axa Îraqî hemfikirin. Herdû dewlet di gelekî waran de wek hev difikirin.  Li ser pirsa Kud, Lubnanê, Îraqê û berdewamkirina polîtîkaya tunekirina milletê Kurd de, wekî hevin û ji xwe nuqteyên wanê muşterek jî evana ne.