Roja Duşema bê, wê mehkema Sedam Husyin û hevalên wî dombike

KSN/ 26/ 11 2005- Roja Duşema bê, wê mehkemekirina Sedam û hevalên wî dest pêbike.  Di 19 Cotmeha derbasbûyî de, Sedam Huseyin û hevalên wî cara yekemîn  ji bona  qirkirina gundê El-Dicilê  hatibûn mehkemekirin. Rejma  bess di sala 1982an de,  li gundê El-Dicila şîî bi sedema ku li himberî  Sedam Huseyin bûyereka xwekujî pêk hatibû, 148 kes kuştibû. Ji jêderên  Emerîka hate  ragihandin ku, wê roja Duşemê mehkema Sedam û hevalên wî disa  dest pêbike û heke astengîyek dernekeve wê sê rojan bajo.

Li gora ku hatîye ragihndin, vê carê wê şahid werin û li ser Sedam û hevalên wî şahidîyê bidin. Ji bona ewleyîya jîyana şahidan, em rûyê wan nîşan nadin û wê di pişt perdê de îfadê xwe bidin.

Bi kêmasî wê yek ji parêzerên Sedam Huseyin beşdarî mehkemê bibe. Lê heke kesek ji parêzerên Sedam  Huseyin  beşdarê mehkemê nebin jî, wê mehkeme parêzerek ji  Sedam re testnîşan bike.