KSN/ 13/12 2005- Serokê Herema Kurdistanê Mesûd Berzanî îroj digel Ednan Muftî daxuyanek dan çapemeniyê û pirsên rojnamevanan bersivandin.

Mesud Berzanî li ser pirsa ku ”Ma gelo li Kerkûkê jêbirina navê 200 hezar dengê dengdêran xeletiyek bû?”

Weha bersîv da; me komisyonek ava kir  û ji wan re da ragihandin ku em bi tu şêweyî karekî weha qebûl nakin. Ji xwe hun dizanin ku jêbirina ewqas deng dê karesateka çiqas mezin ji bo pêşrojê diristi bikirana.

Wan jî lê kolan û dîtin ku rast e, navê 200 hezar kesî jê hatiye birin û gotin ev xeletiyek e. herçî em bawer nakin ku ev xeletiyek e lê madem ku ev xeletî hatiye diristkirin pirsgirêk tuneye.