KSN/ 11/8 2005- Berîya çend rojan di medya Kurdî de derket ku, di progirameke KTV yê de li Muhemed Pêxember silavên Xweda lêbe, heqaret hatîye kirin  û li ser rawêjnîşandana miletê Kurd, wezareta hundur ya Kurdistanê 24 seet ceza daye KTV û KTV  24 seetan weşanên xwe daye rawestandin. Di serî de ez biryara wezareta hundur ya Kurdistanê pîroz dikim ku biryareke waha hêja li gora bîr û bawerîyên miletê Kurd daye.

 Di warê bawerî anîn an jî  ne anênê de her kes azad e û bi kêf û  kerema xwe ye, lê mafê tu kesekî tuneye li ser navê azadîyê li tu kesî heqareta şexsî bike. Hela heqaretkirina li Muhemed Pêxember bi tu awayî nayê qebûlkirin.

Muhemed Pêxember, silavên Xweda lêbe li ba Muslimana kesekî herî bi rûmetir, qedirtir, qîmetir û ji hertiştî ji pîroztir e. Kesên Musliman dev ji welat, bav, dê û hemû hebûna xwe berdidin, lê dev ji dînê xwe  bernadin û divê herkesekî vê yekê jî bizanibe.

Bawerî anîna bi Pêxemberan yek ji ruknê Îmanê ye. Musliman bawerî bi hemû Pêxemberan tînin û Pêxemberê herî dawî jî Muhemed e û Pexemberê mîlyar û nîv Muslimana ye. Rêz û hurmeta ji bîr û bawerîyên mirovan re, yek ji wê rêbaza ku jîyana mirovatîyê  li ser hatîye avakirin e. Vêca ew kesên êrişî bîr û bawerîyên mirovan dikin, bêyê ku bizanibin êrîşê hîmên ku jîyan li ser hatîye avakirin dikin û hîmê jîyanê hildiweşînin û dibin sedema fitneyê û hûzûra mirovan xirab dikin.

Êriş anîna ser dînê Îslam û Muhemed Pêxember silavên Xweda lêbe, bi kêrî tu kesî nehatîye û ji bilî fitne û fesadîyê tu xizmetek ji civakê re nekirîye û wê neke jî. Ji ber vê sedemê mafê tu kesî tune wekî mêşa nava pîsîyê dilê milet lihev bixiîne û bibe sedema fitneyê.

Dibe ku mirovên waha xwe  nenas hebin û wusan jî bifikirin, lê divê rewşenbîr û dem û dezgehên kurdî nebin aletên destê van kesana û rê nedin wan ku jehra xwe berî nava jîyaneka pak û paqij bidin.

Ez dixwazim spasî berpirsê KTV yê Karwan Akreyî jî bikim, ku karê wî  kesê  ku progiram weşandibû guhertîye.

Dilbirîn