Mirov nikare bibe xwedî du nasnameyên netewî yên ji hev cihê!

KSN/ 27/11 2005- Her ji çendakî carekê dema ku ji nav tirkan, siyasetmedarek radibe û gotineke xêrxwaziyê dike ji nuhde rojev dikele û qelemşorên wan dikin gazî û hewar ku yekparetiya dewlet û netew ketiye xeterê û divê li hember vê yekê helwestên pêwîst bêne nîşandan.

Li ser axaftina Erdogan ya ku ”Emê di binê nasnameya bilind ya hemwelatiya Komara Tirkiyê de Tirk, Kurd, Çerkez, Laz kî tê heşê we yekbûyî û pevre bin û rûmetê bidin nasmeyên hemû neteweyên dinê.” Baykal xwe hiltîne û li erdê dixe ku çima wisa gotiye…

Li gorî Domiz Baykal diiviya bû ku bigotana neteweyên dinê hemû neteweyê tirk pêk tînin û yên dinê hemû şaxên wî ne. Û ji bo bo Serokwezîr Erdoganî ev yeka hanê negotiye dixwaze kamaxa welêt bîne û welêt bike mîna îraq, Bosna Hersek û …

Qelemşorê  esker û milliyetê Fikreto jî dibêje encama fikra Erdoganî çareseriyên Federatîf in û ev yeka hanê xeterek e. lê encama fikra Domêzkê wî jî dibe sedema yekbûna netew û ew fikra hanê nêzîktirî fikra Ataturkê wan e.

Bêgûman fikra Domiz Bakkal nêzîkî ya M. kemal e û ji xwe wî xwestiye netewekî bi xwîna netewên din yên heyî xwedî bibe ava bike ku ji serî û heta niha bûye sedema hemû alozî û gengeşiyên heyî…

Mirov dikare ji bo xwe li du nasnameyan bigere yanî bêje yek jê ez misliman yan fileh im û netewê min jî Cengene yan qereçî ye. Lê mirov nikare bêje ez mislimanê file an jî Tirkê kurd im.

Xwedê wisa çêkiriye ma em çi bikin. Lê heke dê û bavê te her yek ji netewekî bin ew jî tiştek e û tu dikarî bêjî ”ez xwarziyê kurda yan tirka me lê ji filan netewî me.

Di vê nuqteya hanê de pêwîstî bi zelaliyê heye. Em kurd in û bi hemû pêwîstiyên kurdîtiyê kurd in.

Em netew in û me hemû pêdiviyên netewek divê divên.

Tiştek bi destê me dikeve nakeve ew tiştekî dinê ye, heta em dixwazin naxwazin ew jî tiştekî dinê ye; lê tu carî pêwîstî bi rastiyeke eşkere tuneye ku jibo em wê veşêrin hezar kirasên derewîn lêkin.

Heta ku ew cografyayên ku kurd lê dijîn li ser bingeha netew û netewperestiyê bimeşin dê pirsgirêka kurd hebe û aloztir be.

Lê heke rojek hat û rê dan hemû hemwelatiyên heyî ku bêne û wekî wan li ser sifreya amade rûnên û ew jî mîna wan jê bixwin û vexwin dibe ku ev pirsgirêka hezar serî jî, ji nav cîhanê hilê û bibe dîrokek bi îbretan tijî….