KSN/ 12/8 2005- Serokwezîrê Tirk Receb Tayib Erdogan îroj seet li dora 10:30an  çû Dîyarbekir. Erdogan di axifitina xwe de  behsa hebûna pirsa Kurd dike û ji bona hemêzkirina vê pirsê jî behsa Demokirasîyê dike. Lê li pey wî jî di bin cube de jî ço nîşanê milet dide, herwekî berê edebyata yek bayrak yek milet û yekk dewlet dike. Li gora medya tirk ku Erdogan behsa hebûna pirsa Kurd kirîye, wekî înqilabek mezin kiribe û li defa hewarê dixin.

Erdogan, di axaftina xwe de dibêje; çi dibe bila bibe, em ji Demokirasîyê gav paşve navêjin. Ma ji xwe gavên Demokirasyê nehatine avêtin ku jê dev berdin û gav paşve bavêjin. Çewa nivîskarê Kurd M. Emîn Bozaslan digot: Demokirasîya  tirkîyê yek santêm mêtreke pêşve çûye, vêca tirk wê karibin ji santêm mêtrekî çi gavan pêşve û çi jî paşve bavêjin?

Barîya niha jî me çend nivîs nivîsîbûn . Tiştên ku Erdogan dibêje, ji daxwazên miletê Kurd pir dûre û bersîva tu daxwazeka miletê kurd nade. Meltê Kurd ji gotinên rayederên dewleta tirk têr in. Ji ber ku berîya niha jî pir kesan wakî Erdogan axifine û dema çûne Enqerê vacîyê gotinên xwe kirine.

Ji xwe çareserkirina pirsa Kurd ji Erdogan pir mestir e û ne karê Erdogan e. Yên pirs di destê wan dane, dewleta nedîyar e. Serokwezîr li tirkîyê wek lîstikvanên şanoyê li  ser dikê ne.

Li gora medya tirk xelkên Dîyarbekir  tu rûmet nedane serdana Erdogan û ew meydana ku Erdogan lê axifîye, bi qasî 250-300 kesî hebûne û ew ji ji germa ji meydan çûne  û xwe dane ber sîya xanîyan. Erdogan ji meydan vik û vala re axifîye. Divê mirov xelkên Dîyarbekir pîroz bike.

Di ekranê kanala CNN turkê de nivîskarê rojnama Yeni Şafakê Ali Bayramoglu ji serok Beledîya Dîyarbekir Osman Baydemir pirskir ku eger niha li vê meydana 150 hezar mirov hebûna wê baştir nebûya? Baydemir, eger ji bona aştîyê ji min tiştek bihata xwestin min ê ne 150 belk milyonek mirov birijandina vê meydanê.

Serokê Beledîya Dîyarbekir Osman Baydemir do bi tevî  seokên 57 Beldîyên din civîyan û di dawîya civînê de Baydemir waha got: Em ê li benda Erdogan bin ku were serdana Beledîya Dîyarbekir û ez ê Erdogan dewetê Beledîyê bikim û em ê qehwê bikin fîncana û hetanî êvarê li benda hatin Erdogan bin.

Lê wusan dîyare wê qehwa Baydemir di fincana de bimîne.