KSN/ 19/12 2005- Ahmet Kaymaz û kurê wî yê 12 salî  di 21ê Mijdara sala 2004an de, li Qosarê-Kiziltepe, ji alîyê Polisên tirk ve hatibûn kuştin. Îroj li Eskîşehîrê di mehkema cazayê girman de mehkema wan  berdewamkir. Her çar polisên kujer û birayên Ahmet Kaymaz û parêzarên wan tev li mehkemê bûn. Di mehkemê de rapora Adli Tipê hate xwendin û li gora raporê,  11 golên ku li pişta Ugurê 12 salî kitine hemû  derbên kuştinêne û mirovek bi van gulan birîndarbe nikre şer bike.

Di rapora Adli Tipê de gulên ku li pişta Ugur Kaymaz ketine, her yek ji wana bi serê xwe derba mirinê ye û 9 gulên ku li pişta Ugur ketîye pir ji nêzîk ve lêketine  û mirovek ku  bi van gulana birdar bibe, ezayê hundurê wî perçe dibe û nikare şer bike. Di raporê de tê gotin Ugur Kaymaz, yekê bejna wî 1,60 cm û zarokek orte ye.

400 polis û nişancîyan ewleya mehkemê dikirin û dîsa rê û dirbên dihatin Eskîşehîrê di bin kontirolê da bû. Mehkem  hetani 22ê Sibata sala 2006an hte paşdaxistin.

Ahmet kaymaz û kurê wî Ugur Kaymaz ji alîyê polisên tirk ve di 21 Mijdara sala 2004an de li ber derê wan hatin kuştin. Ugur Kaymaz zarokek 12 salî û bi tevî telikan alîyê bavê xwe dikir ku eşya li kamyonê bar dikirin.

Lê walîyê Mêrdînê di wê demê de îdea kir ku Ehmed u Ugur avêtine ser qereqolê û bi sîlihan li qereqolê xistine û pitşti hişdarîya  polisan, hê polisan li wan xistîye.

Piştî kuştina Ahmed û Ugur, polisên tirk tivingek ku zarokek 12 salîyê wekî Ugur nikare bikar bîne li ber serê cinazê Ugur danin û kirin destê wî yê bi ruh. Ugur bi tevî telkan di nava xwînê de mabû.

Ahmed û Ugur herdu jî bi telik, îşlik û pantor bûn û tu çek û rextê wan yê girêdayî tunebû. Ji xwe îdea kirina ku zarokekî 12 salî û bi tivingê şer kirin, bê wjdanî û ne mirovîtîya her bedîe ye.  Lê pilosên tirk dibêjin 10 deqa bi me re şer kirine.

Medya tik bêdeng û wek bûyerek norml bûbe kurt nûçe didan. Wejdan û edaleta tirk têra mafê Ugurê 12 salî nedikir. Polisên ku  Ugur û bavê wî kuştin, ji Mêrdînê rakirin dan cîyên din û li wêderê dest bi wezîfa xwe kirin.

Li gora sîyasetmedar, sazî û medya tirkan wezifa polis û eskerên tirk muqedes e. Muqedesbûna wan jî ew ku kurdan dikujin.  Heke li welatek Ewrûpa, polisan zarokek wekî Ugur Kaymaz bikuşta, niha cezayê herî girina xwaribûn û ji kar jî dihatin avêtin.

Lê li Tirkîyê polis û eskerên xelkê kurd û zarokên wan dikujin, ji bona ku moralê wan xirab ne be û xwe di bin telûkê de nabînin, vediguhazînin cîyê herî aram.

Ji ber ku li Tirkîyê mekanîzma edaletê ji bona Kurdan nayê bikaranîn, pir bûyer û qetlîamên waha bêyê ku  hasabê wan were pirsîn, hatine ji bîrkirin.