Li Gundê Diyarbekirê Kabî (Bagivar) Nexweşiya Şarbonê….

KSN/7 2005- Ta niha şeş kesên bi şarbonê ketine li gund hatin dîtin û dudu ji wan birine nexweşxanê. Mudiriyeta Tendiristiyê ya bajêr sê doktor bo lêpirsîna nexweşiyê şandiye gund. Doktorên hatine şandin  li malan digerin û saxîtiya gundiyan dikin. Doktoran ragihandin ku di şeş heft malên kul ê ketine gûmanê kontrol kirine û ta niha li 6 nexweşên şarbonê rast hatine.

Ebdullah Aybarê ku li gund rûdinê diyar kir ku berî niha bi 15 rojan heywaneke xwe ya li ber mirinê şerjê kirine û goştê wê xwarine; lê piştî demekê nexweş ketine û çûne mala tendiristiyê ya gund.

Piştî ku li hatin kontrolkirin hat dîtin ku bi nexweşiya Şarbonê ketine.

Vê gavê çûyîn û hatina heywanan ya ji gund hatiye qedexekirin û doktor di lêgerîna nexweşan de berdewam in. Tê payîn ku îroj di nimêja îniyê de doktorên ku ji bo gundiya hatine şandin derbarê nexweşiya Şarbonê de agahiyan bidin gundiyan. Tê payîn ku yên ji goştê wê heywanê xwaribin hemû bi wê nexweşiyê ketibin. Ji nexweşiya şarbonê re bi kurdî hebreş, hebreşk, tebe, hebxurî, şerbê  tê gotin.

Internethaber