Dema Nû 3/ 9 2005-Li Tirkiyeyê, Kurdên ku dixwazin pirsa Kurdî, bi awayekî demokratîk û aşîtane çareser bibe ku di nav wan de Serokê giştî yê HAK-PARê Abdulmelîk Firat jî heye wê di 4ê Îlonê 2005an de li Enqerê, li otela Buyuk Surmelî civînekî pek bînin.

Ji partiyên siyasî, Serokê Giştiyê Hak-Parê Ebdilmelîk Firat, Cîgirê Giştiyê Hadepê yê kevn Eyup Karakeçî, li ser navê MESOPê (Partîya Sosyalîsta Mezopotamya) Sînan Çîftyurek, ji saziyên siwîl Mudûrê Giştiyê Kovara Serbestî Umît Firat, Serokê Kurd-Kavê Mehmet Celal Baykara, Birêvebirê Weqfa Mafên Mirovan Mehmet Vural, nivîskar Altan Tan, Sîyasetmedar Fuat Onen, Niviskar Suleyman Çelîk, di vê çerçevoyê de  ji raya giştîra nameyek belavkirin. Di vê nameyê de tê diyarkirin ku piştî gotebêja Serokwezîrê Tirkîyeyê Tayîp Erdogan pirsa Kurdî di rojava Tirkiyeyê de ciyê xwe girtîye.

“Pirsa Kurdî bi awayekî demokratîk û aşitiyane...”

Di nameyê de tê gotin ku herkes pirsa Kurdî li gor fikir û mentalîta xwe dinirxîne û şirove dike. Gelo ka Kurd li ser wê pirsê çi dibêjin, di vê nameyê de weha hatîye pêşkeşkirin: “Yên ku pêwîste li ser vê meseleyê xeberdin, dengê wan dernakeve, yên dilxwazê çaresirkirina pirsa Kurdî bi awayekî demokratîk û aşitiyane ne, pêştniyarên xwe yên ji bo çareserkirinê bi avayekî dilsoz û bihêz naynin rojevê. Pêştniyar û xebatên ku mora xwe rojevê dixin jî, ji dêlva ku piştgirîya çareseriyê bike, zêdetir astengiyê dixe pêşiya vê meseleyê.”

Di nameyê de tê eşkerekirin ku divê ev rewş demek zû bê bi cih anî û hêzên ku belawelane berhev bînin û weha hat domkirin: “Ji ber vê yekê di vê pêvajoyê de yên belawelane berhev bê anîn, ji bo çareserkirinê pêwîste dengekî gur derkeve. Divê raya giştî bi awayekî rast bê agahdarkirin. Ji bo ku pirsa Kurdî bi hemû şêweyên xwe yên dîrokî, siyasî, civakî, çandî, aborî û hwd. bê fam kirin û nasandin, ji bo meselê bi awayekî zelal li ser bê minaqeşe kirin, ji bo pêşniyarên li ser vê meselê bigihên encamek, em di wê baweriyê de ne ku wezîfeyek mezin dikeve ser milê me. Bi vê armancê li ser pêşketinên dawî, em bikêr dibînin ku li ser van hemû meselê û babêtan em bi hevre pirsa Kurdî minaqeşe bikin.”