KSN/ 6/12 2005- Iroj Li Dihok, Zaxo û Akrê êrişî ser beregehên Yekgirtûya Îslamî ya Kurdistanê kirin û baregehên wan şewutandin û gulebarandin ser endamên Yekgirtûya Îslamî ya Kurdistanê. Me bi rê ya telefonê pywendî   bi berpirsê Yegirtûya Îslamî ya Kurdistanê yê Îskendinavya Muhemed Ehmed Şingarî re danî. Li gora agahîyên Şengarî dan, li Zaxo du kes hatine kuştin û   gelekî kes jî birîndarbûne. Lê hatanî niha kes rastîyê qenc nizane.  

Li gora medya alîgirên PDKê dibêjin xelkên sivilinl êriş birine ser baregehên wan, lê li gora Yekgirtûya Îslamî ya Kurdistanê, êriş ji alîyê hin nûnerûn PDKê û polisan ve hatîya organîzekirin û dema êrişê ser beregahên wan hatîye kirin telefonê polisan kirine, lê polisan pir dereng midaxile kirîye. Ev helwesta polisan jî bû sedemî kuştin û birîndarkirina hin kadêrên Yekgirtûya Îslamî.

Li gora Portela yekgirtûya Îslamî, di dema rûdana bûyeran de, wan têkilî bi serokê Îraqê Celal Telebanî û serokê Kurdistanê Mesud Berzanî re danîne ku bilez  midaxileyê bûyerê bikin ku bûyer zêde mezin nebe û hesab ji kesên ku destê wan di vê bûyerê de hene, werin pirsîn.

Li gora Yekgirtûya Îslamî ku me bi rêya telefonê pira xiber da, dibêjin ev êrişeka organîzekirîye. Lewra heke organîzekirî neba, wê çewa  li hemû bajarên ku PDK desthiladare wek Dihok, Zaxo, Amêdî, Akrê, Simêl, Şeqlawa û Sersink û hinek bajarokên din, êriş di eynî seetê de were kirin. Çima hetanî niha tiştên waha tunebû? Di mintîqa Behdînan de YNKê tune bi tenê baregehên xwe nû vekirin. Li mintiqa Behdaînan PDK desthiladar e û Yegirtû jî mixalefet e.

Ji ber vê yekê PDK tehemul nake ku em bi serê xwe bikevin hilbijartinan. Tê îdea kirin ku me ji kurd û şehîdên Kurdn re xiber gotîye, ev ji binî  ve derewe û heke bi wijdaninj û bi demokirasî û edaletê bawerin, bila isbat bikin. Em ji van tiştan natirsin û ji karê kuştin û şidetê ji nefret dikin. Ji ber ku tiştên waha ne li rê, di baweriya me de qedexeye. Me dev  ji kurdîtîya xwe bernadaye û em ne ji bona hilbijartin û PDKê jî dibin kurd.