KSN/ 11/9 2005- Do Kurdên Swêdê li Stockholmê, di semînerek de ji bona bîranîna şoreşa sala 1925an û rêberê wê Şêx Seîdê Pîran li Kista Träff hatin ba hev. Semîner seet di 13:00 de bi deqekî rêzgirtina ji şehîdan re destpêkir. Bi qasî 400 kesî beşdarî tê de kirin. Piştî axiftine destpêk ya ku ji alîyê segreterê Komelê Dilbirîn Şerfdîn ve hat kirin, nivîskar, lêkolîner û edebyatzanê Kurd M. Emîn Bozaslan axifî. M. Emîn Bozaslan di axiftina xwe de, bal kişand ser lîstikên ku ji alîyê dewleta Tirk de, li  himberî şoreşa 1925an de hatine  lîstin û waha got.

Dewleta Tirk tim xwestîye ku şoreşê ji kirasê wê yê eslî derbixîne û bike şoreşek paşverû ya îslamî û ji ruhê netewîtîyê dûr bixe. Sedemên vê yekê jî ew e ku Kurdan bi tenê bihêle. Ji xwe heke dewleta Tirk bêje; şoreşa Şêx Seîd ya Kurdîye divê, mafê kurdan bidê. Her wusan Bozaslan da zanîn ku zulma ku dewleta Tirk kirîye, ji ya Hîtler hê hovtirbû.

Bozaslan, Lê em nikarin bêjin ku şoreşa Şêx Seîd ji Îslamê jî dûrbû. Ji ber ku Şêx Seîd alimek Kurdbû û di wê demê de hemû hereket  ji dîn dûr nebûn.

Nevîyê Şêx Seîd Ebdulmelîk Firat, di axiftina xwe de, bal kişand ser zulma ku ji alîyê rejma Kemalîst ve li malbata Şêx Seîd hatîne kirin û rewşa sîyasî ya Kurdan. Firat, îroj  sê durûb Kemalîzmê diparêzn.

Yek, muslimanên Tirk

Du, nijatperestên Tirk

Sê, Kurdên Kemalîst. Ocalanokos

Ebdulmelîk Firat, li ser pirsa Kurd ya sîyasî jî waha got: di be ku em xwedîyê cihê partî û cihê fikirbin, lê divê ji bona serketina pirsa Kurd, yekîtîyek di navbera Kurdan de çêbe.

Semîner ji alîyê medya Kurdî û KTV û ya tirkî wekî TGRTê û rojnama Hurriyetê ve hat şopandin.

  Semîner  ji alîyê Komela Kurd ya Demokiratîk û Kulturî ve hat dayîn û seet di 17:00 de bi dawî bû.