KURD - KOM Lokman Polat

KSN/ 14/2005- Bi nav û nasnameya kurd damezrandina komeleyeke sivîl ji bo legalîzekirina pirsa netewa kurd gavêke berbipêþe û kareke hêja ye. Komele rêxistinên demokratîk û sivîl in. Ew di jiyana sosyal civakî de roleke girîng pêk tînin. Dewleta nîjadperest ku bi her awayî ji alî desthilatdariya milîter ve tê birêvebirin, dixwaze ku pirsa netewa kurd terorîze bike. Li hemberê desthilatdariya leþkerî, divê welatparêz, demokrat û sosyalîstên kurd jî pirsa netewa kurd legalîze bikin.

Legalîzekirina pirsa netewa kurd bi damezrandina partî û rêxistinên bi nav û nasnameya kurd tê pêkanîn û bi têkoþîneke hevbeþ ya rêxistinî tê birêvebirin. Komeleyên demokratîk yên sivîl bingeha sazûmana demokratîk in. Bêyî rêxistinên sivîl, demokrasiyeke bi rêk û pêk nayê avakirin.

Tevgera demokratîk û netewî ya kurd ji alî mîrasa damezrandina komeleyên sivîl ve xwedî dewlemendîyeke û bingeheke wê yê saxlem heye. Tevgera demokratîk û netewî ya kurd di vê hêlê de xwedî tecrûbeyên giranbihaye.

Ji damezrandina DDKO-yan heta niha, kurd bûne xwedî tecrûbe û bi saya dezgehên komelayetîyê xebatên hêja pêkanîne û bûne haceta pêþveçûn û þîyarbûnê. Bi xebata partî, rêxistin û hemû cure komelayên kurdan gelê kurd polîtîze bûne, li doza xwe ya netewî xwedî derketine û ji bo azadîyê têkoþîyane.

Di navbera salên 1975-an heta 1980-yî komela ASK-DER, DHKD, DDKD û gelek komeleyên kulturî yên sivîl ku li bajar û navçeyan hatibûn damezrandin, bûbûn hêlîna welatparêz, demokrat û sosyalîstên kurd. Kadirên siyasî yên van komelan bi kar û xebatên giranbiha xortên nû ji hêla siyasî û civakî ve perwerde dikirin, gel hiþyar dikirin û li hemberê dagirkeriyê têkoþîna netewî û demokratîk dimeþandin.

Kurd - Kom li ser tecrûbeyên komeleyên berê, bi kar û xebateke nûjen, bi hestên demokratîk, sivîl û kurdperweriyê dikare gelek xebatên hêja pêk bîne. Xebatên demokratîk û sivîl yên ku Kurd-Kom pêk bîne, dê weke kelemê di çavên desthilatdar û birêvebirên dewleta tirk de biçe. Dewleta tirk, bi taybetî jî ordiya tirk û generalên wê ji þerê çekdarî natirsin, lêbelê ji têkoþîna demokratîk û sivîl ya kurdan ditirsin. Kuþtina çar leþkeran xema dewletê û generalan nîn e. Roja ku îlana ”Kurd Çi Dixwazin?” di rojnameya Ewropayê Le Monde de derket, li çiya 4 asker ji alî çekdaran ve hatin kuþtin, kuþtina leþkeran di rojnameyên tirkan de nebû nûçe, lê li ser îlana rojnama Le Monde qiyamet rakirin û bi hinek tirsonekan paþve gav dane avêtin

Eqilmendên dewletê, masmedia tirk û hemû cure rojnamevanên þêwirmend yên dewletê ji bo biryara þerê çekdarî ya hêza çekdaran deng dernaxin, lê ji bo damezrandina komeleyeke bi nav û nasnama kurd qiyamet radikin. Nivîsa sernivîsarê rojnama Hurîyetê Ertugrul Ozkok li holê ye û pêwîst nake ku ez dûr û dirêj binirxînim. Birêvebirên Kurd-Komê bersîva ku vî zilamî heq kiribû dane pê.

Di kongra Hak-Parê de ji bo ku bi kurdî hate axaftin, agir bi dawa birêvebirên dewletê ket û ji bo berpirsên Hak-Parê doz vekirin, wan dane mahkemê. Dema mirov di TV`yên tirkî de temaþeyê axaftinên generalên teqawid dike, ew bi þêweyeke eþkera li hemberê têkoþîna netewî û demokratîk ya kurdan tirsa xwe didin nîþandan û ji bo legalîzekirina pirsa netewa kurd, ji bo þêweya têkoþîna demokratîk ya kurdan aciziya xwe nîþan didin û dibêjin "cudaxwaz dixwazin xwe bixin qalibê siyasî û demokratîk." Têkoþîna demokratîk û sîyasîbûna kurdan, meþrûîyeta parastina mafê kurdan generalan û birêvebirên dewleta tirk dide tirsandin.

Li gor baweriya min, divê netenê li Anqara û Diyarbekirê, herweha li hemû bajar û navçeyên kurdan û li metropolan komeleyên demokratîk û sivîl bi nav û nasnameya kurd bêne damezrandin. Dema min vê nivîsê dinivîsand, ez pê hesiyam ku li bajarê Batmanê û li navçeya Qoserê -Kiziltepê- xebata ji bo damezrandina Kurd-Kom`an heye, gelek keyfa min hat. Bi hêvîya ku li gelek cihên din jî Kurd-Kom bêne damezrandin.

Têbinî : Min vê nivîsê beriya ku dewleta dagirker a tirk xebatên Kurd-Kom –ê bide rawestandin nivîsîbû. Kurd-Kom-ê xebatên hêja kir û ruhê kurdayetiyê geþ kir. Xebat û çalakiyên Kurd-Kom-ê bû kelem û di çavên dewleta dagirker de çû. Dewlet ji xebatên kurdayetiyê tirsiya û lewre jî bi þêweya fermî xebatên Kurd-Kom-ê da rawestandin.