Kurdên bakur; " Li himberî gefên dewleta Tirk bê çare man"

Stockholm, 29/3 2005- Dewleta Tirk hertim bi gef û tehdîdan, sîyaseta xwe ya gemar bi kurdan daye pejirandin. Qismek ji kurdên bakur li himberî van dek dolabên dewleta Tirk, ji bê çarebûna xwe bê deng man. Qismek jî, hatin lîstika dewletê û xedî li ala Tirkan derketin û qismek ji wan jî, haya  ji vê yekê hebû..! û dewletê ji wan re zemîn amadekir ku ew jî mesaj bidin miletê kurd ku "Ala tirkan ne tenê ya tirkaye her wusan ya miletê Kurde jî  û divê li himberî ala Tirkan bê hurmetîyê nekin"

Apocîyan nikarîbû yek ser bi gotina ala tirkan ya me ye, ji ber vê yeka han divîyabû sedem haba ku  Apocîyên wek Leyla Zana û hevalên xwe û ji partîya DEHAPê hin kesan bi gotina ala tirkan ya Kurdan e jî û divê Kurd rêz li ala xwe bigirin.

Dewleta Tirk hercarî tiştek bi destê Apocîyan bi miletî Kurd didin qebûlkirin.

1. Dema Apo hate girtin got: em doza dewleteka Kurdî nakin bi tenê ji miletê Kurd re demokirasî  pêwîste û teorîya Komara demokiratîk avêt holê. Me ji wan re got: ev lîstêkên dewleta Tirk e..! neyên vê lîstikê, lê Apocîyan digotin hûn nizanin..! Apo polîtîka dike û dev ji doza miletê Kurd berdan û ketin pey "komara Çirto virto"

2. Apo, destpêkir ji dîrok û bav û kalên kurdan re dan çêr û xibera û got: Şêx Seîd hevkarê Îngilîzan bû û li Mistefa Kemal Xîyenet kir. Me got: Apo  bi devê Genlkurnaya Tirk xibar û çêran dide. Apociyan digotin, Apo sîyaset dike û Apo ne li dijî Şêx Seîd e, lê li himberî îdolojîya Şêx Seîd e, ji ber ku Şêx Seîd Şerîet di xwest û paşverûbû.

3. Apo li dijî ked û emga miletê Kurd li başûrê Kurdistanê derket û got: Dewleta Kurdî ya ku li başûrê Kurdistanê were avakirinê, Îsraîla duemêne û xincereke di pişta dewlet Tirk de. Me got ev xîyanete Apo bi devê dewleta tarî dujminîya miletê Kurd dike, Apocîyan digotin, Apo li dijî kaptalîzmê ye

4. Apo dibêje Mistefa Kemal mirovek qehremane û şoreşgerbû û ez li ser rêya wî me û ew pirojeyên ku Mistefa Kemal di nîvî de hîştîye, ez dê bibim serî û Şêx Seîd bû sedema qetlîama sala 1925an û li dijî şoreşa Ataturk serî hilda û li dijî  demokrasîyê derketin û Mistefa Kemal bejbûr hîştin ku kurdan bikuje.

5. Apo niha jê berê miletê Kurd daye newalekê bêbinî û ji meletê Kurd dixwaze konê bê stûn vegirin. Teorîya Konfederalizima bê komele û Federasyonan bi tenê malwêranî û lîstina bi miletê Kurd e.

Niha jî dewletê  ala Tirk kirin mene û ji Apocîyan xwestin ku bêjin; ala Tirkan ne tenê ya Tirka ne her wusan ala kurdan e jî. Ji xwe ev mesela ala Tirkan, mirov dikare bêje xeleka herî dawî bû ku dewletê dixwest bi destê Apocîyan pêk bîne. Ji xwe ew kesên ku dema dewlet,  federasyon, otonomî, û muxtarî  nexwazin, wê xwedî   li ala Tirkan ya ku bi xwîna miletê kurd sorbûye derkevin û Apocîyan jî ev yek kirine.

Kurdên ne Apocîne çi dikin..?

Hinek ji van Kurdên bakur, li ber gef û tehdîdên dewleta Tirk, ji bê çaretîya xwe naizanin ka wê çi bikin û bi kuve biçin. Hinek ji  sîyasetmedarên me xwedagiravî naxwazin werin lîstika dewleta Tirk, ku li himberî tehdîdên dewleta Tirk tiştek bêjin an jî binivîsînin.

Miletê Tirk di rojek de dikarin bi mîlyonan ala xwe belavbikin û xwe pêşandan û pirotesto li darbixînin. Lê Kurdan nikarîbûn li Ewrûpa bihatana bahvdû meşek  li darxistina û helwesta dewleta Tirk ya dujminkar şermezar bikirina û şovenîya tirkan bigîhandina dewletên Ewrûpa.

Li ser bakurê kurdistanê agir dibare, lê hinek kesên ku xwe wek sîyasetmedar dibînin, her tim bahsa başûrê kurdisatanê dikin. Mirov dibêje qey wan çûne li başûrê kurdistanê şer kirine, mala wan wêranbûne, ew derbederbûne, wan xwîna xwe rijandîne û her wekî destkeftîyên li başûrê Kurdistanê ked û emga wane.

Van kesên ku ez behsa wan dikim, destê xwe ji bakurê Kurdistanê şuştine û kurdên bakur herwkî malê Apocîyan yên bi mor û îmze ne, wusa dev jê berdane.

Gotinek me Kurdan heye em dibêjin; " Hitil mitil law ji bavê bilintir" vêca rewşa hin kurdên bakur jî ew e, dema mirov behsa bakur dike, ji bê havilî û bê çaretîya xwe belengazan..! başûr nîşanê mirovan didin.

Dilbirîn

Hezar_Gol@hotmail.com