Konferansa ku gelek rêxistin û partiyên kurdî û mêvanên ji beşên Kurdistanê yên cuda têde beşdar bûn.

Di konferansê de ji başûrê rojavayê Kurdistanê Komîteya Karê Hevbeş (ji şeş partiyan pêk tê),  ji bakurê Kurdistanê PSK, PDK-Bakur, PWD, PIK, HAK-PAR, Weqfa Çand û hunera Kurdî, Komeleya Çira, ji başûrê Kurdistanê PDK û YNK ji rojhilatê Kurdistanê jî PDK-Iran û Komele... her wiha gelek rêxistinên sivîl, Întîtuya Kurdî ya Parîsê û rêxistiên jinan û rewşenbîr beşdar bûn.

Bi navê Hikûmeta Herêma Kurdistanê Seywan Barzanî amade bû.

Berpirsiyarê HEVBENDÎ Dr. Musa Kaval bi axaftinekê bixêrhatina mêvanan kir û got: �Kurdistan dilê rojhilata navîn e, çareserkirina pirsgirêka rojhilata navîn bi çareserkirina pirsa kurdî re girêdayî ye... di vê konferansê de emê pirsên demokrasî û riyên çareseriyê bi we re gotûbêj bikin.  

Di rûniştina yekemîn ya Konferansê siyasetvanên frensî û belcîkî beşdar bûn. Wan nêrînên xwe di derbarê pirsgirêk  û çareseriyan de anîn ziman û bi awayekî giştî dostaniya xwe li hember pirsa kurdî nîşan dan.

Emê di saatên pêş de rapora konferansê bi ferehî bidin...