Li Qahîrê; Konferansa li ser Îraqê destpêkir
     

KSN/ 19/11 2005- Îroj li navenda Camîa Erebî (Yekîtîya Dewletên Ereb) li Qahîrê textûpayê Misrê, Konferansa li ser Kongira Netewî ya Îraqê bi başdarîya gelek terefên sîyasî û Navnetewî destpêkir. Konferans bi  axiftina serokê Misrê Husnî Mubarek û serokê Îraqê Celal Telebanî destpêkir. Telebanî,  li ser navê desthiladarîya Îraqê ragihand ku em terefdarê goftûgoyê ne, lê di bin yekîtîya welat de, cî ji kujer, kesên mucrim û terorîstên ji rejma berê ya dema Sedam re tune û bi van kesana re yekîtîya weleta nayê çêkirin.

Telebanî, em zimanê çek û silahê bi her awayê red dikin. Tekoşîna rewa ji bona welet, bi tenê, bi cî kirina sazîyên sîyasî û bi rêyên aştîyane, tê kirin. Telebanî, tûndî, kuştin şer û terora ku li   Îraqê tên kirin, bi destê kesên beyanî ne û divê ev gurûbên tororîst yên mucrim û mirovkuj, bi tûndî were şermezarkirin.

Nûnerên partî û terefên sîyasî ku ji Îraqê beşdarîyê di konferansê de dikin, bi hevre êrişê rejma xwînxwar ya berê ya Sedam Huseyin kirin.

Li ser navê Yekîtîya Alimên Îraqê yên sune, Haris el-Durî, piştgirîyê kesên ku xwe li Îraqê di Mizgeft û ciyê bazarirganîya sivîl de diteqînin kir û got:Wesifkirina berxwedana Îraqê bi teror û ajanên kesên ku  ji der tên, zulmeka mezin e ji bona tekoşîne pîroz.

Di navbera Serokwezrê Îraqê Îbrahîm Ceferî û el-Darî de minaqişeyên germ û tûj hatin kirin.

Ceferî, karê terorê, kuştin û wêrankirina ku li Îraqê tê kirin, ji kultura beesîyan tê û tu ci ji beesîyan re di Îraqê de tune. Beesî ji bona Îraqê xetên sor e.

El-Darî wek nûnerê kesên xwekujî li Îraqê pêktînin tevgerîya û got: kesên li Îraqê tevlihev û karên terorî dikin, eskerên dagirker û desthiladarîya Îraqêye.

Nûnerê Neteweyên Yekbûyi, wezîrêderve yê Îranê û nûnerê Tirkîyê jî tev li Konferansê bûn.