Komela Mafê Mirovan ya Navnetewî: Îstixbarata Sûriyê
Şêx Meşûq Xeznewî Kuştîye
KSN/
14/6 2005- Komela Mafê Mirovan ya
Navnetewî raporek derbarî kuştina Şêx Meşûq Xeznewî de belavkir. Li gora
raporê; Îstixbarata Sûriyê Şêx Meşûq Xeznewî bi îşkencê kuştîye. Ji
Komela Mafê Mirovan berpirsê dewleta Sûriyê Nail Samundiz,
ji dewleta Sûriyê xwest ku lêpirsîneke serbixwe û zûtirîn wext li ser
kuştina Şêx Meşûq Xeznewî were dest pêkirin. Û netîca lêgerînê ji
raya Navnetewî re were dîyarkirin û kesên tewanbar jî derxînin
pêşberî Mehkemê.
Di raporê de tê gotin ku, divê Kurdên
Kurdistana Sûriyê mafê xwe yên rewa di bin kirasê Demokirasî û bi awaki
aştîyane bixwaze. Dewleta Sûriyê, xwepêşandanên miletê Kurd piroveke dike
û li dijî wan şidetê bikar tîne.
Dewleta Sûriyê Şêx Meşûq Xeznewî di 10ê
meha Gulanê de ravandibû û idea dikir kû haya wan ji revandina Şêx Meşûq
tune û piştî kuştina wî ji alîyê Istixbarata Sûriyê ve, di 30 Gulnê de
cenazê Şêx Meşûq teslîmê malbata wî kiribû.
