KSN/ 19/9 2005- Li gora rojnama Milliyetê ya 18/9 2005an de hatiye balavkirin, serokê Şaredarîya Entabê yê berê Celal Dogan û endamên kevin yên DEPê, wek pirensîb li ser partîyeke nû li hevkirine. Li gora Kemalîst Celal Dogan, divê navê partîya nû, Partîya Hevdem ya Tirkîyê (Çağdaş Türkiye partisi) be û Dogan, xetên xwe yên sor yên ku bi tu awayî dev jê bernade jî waha binav dike " yekîtîya ax, huqûq û al tirkîyê" de wê partîya nû sazbikin.

Berîya çend rojan serokê HAK-PARê Ebdulmelîk Firat mêvanê min bû, Firat li ser pirsa hebûn û parasita  Kemalizmê waha got:

Îroj li Tirkîyê Kemalîzim li ser milê sê gurûban hebûna xwe di domîne.

1. Laîkos Kemalîkos
2. Misilmanoe Kemalîkos
3. Ocalanos Kemalîkos

Yeni; îro Kemalîzm li ser mêlê Laikên Kemalîst, Mislimanên Kemalîst û kurdên Kemalis hebûna xwe di meşîne. Û ji Misliman û Kurdan  jî zêdetir, tu kesekî ji destê Kemalîzmê zirara nedîtine.

Di progirama DTH de û di ya vê paetîya nû de pirsgirêgek bi nav pirsgirêka Kurd tune, bi tenê pirsgirêka Demokirasyê  û Tirkatîyê heye.

Ji xwe ev pirojeyek Genel Kurmaya Tirk e. Dema li Tirkîyê Pirsgirêka Kurd bû pirsgirêka Demokirasîyê, otomatîk pêşî li rêyên  çaresekirina pirsgirêka Kurd tên girtin û  pêşî li rêyên berfirhkirina Demokirasîyê  li gora yasaya Tirkîyê vedibe.

Ebdula Ocan, di hevdîtna xwe ya dawî ya bi  abukatên xwe re, ji Apocîyan dixwaze ku guh bidin berdevkê Genel Kurmaya Tirk  yê sivîl nivîskar Fikret Bîla û pirtûk û nivîsên wî bixwînin. Ocalan ji Apocîyan re dibêje; hûn bi qasî Fikret Bîla nabin û Fikret Bîla mirovek gelekî baş e û rojnamevanek cidîye

Fikret Bîla di nivîsa xwe ya îro de, mesaj dide raya giştî û dibêje, serokek li himberî Ebdulaha Ocalan ne mumkune derkeve û wan kesên ku li dijî Ocalan derkevin jî tehdît dike. Bîla, hemû serokên Beldîya û serokên partîya DEHAPê bi xwestaka Ocalan hatine hilbijartin û divê wefadarîya xwe revayî Ocalan bidin.

Bîla, mesaj dide dewletên Ewrûpa ku wan sîyaseta Tirkîyê baş nexwendine ku dibêjin, bila kurd ji bilî Ebdulah Ocalan serokek din derxînin.

Berîya demek min nivîsek nivîsîbû ku, ew dewleta nav li pirsgirêka kurd kirîye wê dewletê rêyên çareserîyê û mixatabên xwe jî kifş kirne. Û mixatabê wan  ji bilî apocîyan wekî din tu kes nîne.

Ji vê nivîsa Fikret Bîla wusan tê zanîn ku Ocalan û Genel Kurmayî di her  warî de hemfikirin, loma Ocalan dibêje nivîsên Fikret Bîla bixwîne, ji ber ku Bîla li ser navê Genel Kurmaya tirk bi qelama sivîl dinivîsîne.

Ocalan, di dîroka dewleta Tirk de di sê dewran de pêşvçûyîna şaristanîyetê hene.

1. Meşrutiyet
2. Cumhuriyta ku bi Mitefa Kemal avakir
3. pêvacaoya ku min ji sala 2000an ve daye detpêkirin

Gelo ev gotinên Ocalan tê çi menayî?

Ebdula Ocalan, xwe bi miridê xwe daya qebûl kirin û gotinên wî nabin dudu; yani her gotinek wî qanûneka ku nayê guhertin û minaqişekirina li ser jî ne mumkune.

Ocalan, bi rêya mirîdên xwe yên waha, dixwaze  komara Tirk ya  Kemalîst  ku li ser xwîna miletê Kurd hatîye avakirin, bi Kurdan bide şêrînkirin û ked û emge Kurdan bike xizmeta Kemalîzmê.

Ji xew Ebdulah Ocalan di her demê de, hayernaîya xwe bi Mistefa Kemal re dibêje û Mistefa kemal li ba Ocalan mirovk şoreşger û qehreman e.

Ocalan, di hevdîtinên xwe yê bi abukatên xwe re, emrê sazkirina partîya nû dide û divê kesên ku dikevin komîta merkezî jî li gor Ocalan be.

Bi xwe hertiştî hildibijêre û behsa Demokirasîyê jî dike (!)

Bi vî awayî wusan dixwîye Ocalan, di gihandina kurdên kemalîst de bi ser ketîye û wê partîya nû, ji kesên kemalîst pêk werin. Di partîya nû de cî ji kesên kurdperwer re tune.

Ocalan, dibêje; ev Partî, partîyek Tirkîyê ye. Di Partîya ku li ser navê Tirkîyê tê avakirinê de, cî ji Pirsgirêga Kurd re tune.

Ebdulah Ocalan, ji bona ku herkes ji gotinên wî fêm neke û nikaribe mexseda wî ya esasî bizanibe, car caran behsa Pirsgirêka Kurd û mexdûrîyeta kurdan dike. Lê ji Kurdan re çi dixwaze û pêşeroja Kurdistanê wê çewa be, tu tiştek nabêje û ji xwe tiştek waha jî di progirama wan de tune.

Loma Celal Dogan behsa xtên xwe yên sor dike. Jixwe berê demek divêya bû Leyla Zana û hevalên xwe partîya xwe îlan bikirana, lê ji nişkava de îlankirina partîya wan hatin paşvexistin.

Wusan xwîyaye bi emrê Ocalan hemû Kurdên kemalîst hatine ba hev û wê di demek kurt de Partîya hevedem ya Tirkîyê-"Çağdaş Türkiye partisi" yê îlan bikin

 Bê guman kar û xebata her kurdek welatparêz ji bona Kurdistanê ye, lê ew kedû emega kurdên reben bi destê kurdên Kemalîst dikin xizmeta Kemalîzmê.

Celal Dogan di tevaya jîyana xwe de, endamê partîya CHPê bû û kar û xizmeta wî ji bona kemalîzmê bû. Lê niha xwe wek nûnerê miltê kurd reva dide û bi piştgirîya Apocîyên Kemalîs xwîna xortên Kurd dike xizmeta dujminê miletê Kurd.