KSN/ 8/12 2005- Hilbijartinên li Misrê  bi dawî bû û li gora encamên resmî, Îxwanul-Muslimîn bûn partîya duyemîn. Rejma Misrê rê ne da ku Îxwanûl-Muslimîn  wek partî beşdarîyê di hilbijartinan de bike, lê alîgirên Îxwanul-Muslimîn wek nûnerên ser bi xwe ket hilbijartinan û ji 444 endamên Parlamentoyê 88 Parlamenter qezenckirin. Partîya Welatparêz ya bi serokatîya Husni Mubarek ya desthiladar ji % 72,9 nisbeta denga girt û 324 endam derxist  û Îxwanul-Muslimîn ji % 20 nisbeta denga girt û 88 endam derxist.

Yek ji berpirsê Îxwanul-Muslimîn Ebdul-Munim Ebul-Fetuh, radigihîne ku, heke hilbijartin wek şêweyên yekemîn birêve biçûya, bi kêmasî wê 130 endam dexistana. Lê digel zor û astengîyên li himberî Îxwanul-Muslîmin, û binçavkirin bi hezaran alîgirên Îxwan, dîsa jî Îxwan bû mixalefet û ket Parlamentoya Misrê.