-----------------------------------------------------------------

ÎRO JI DESTÊ HUSNA

Îro ji destê husna hebîbê sergest û heyranim ez

Min esqû û muhbet bûn nesîb sewadê sergerdan im ez

Esqê gelek sewdakirin bê mal û bê mewda kirin

Nûra çira winda kirin Mûsayê Îmran im ez

Mûsa ji destê husna bi nûr sêrînîya xalê di hûr

Secde bire ber kohê Tûr nêzîkê remza wan im ez

Remza ku dê dîlber bikin carek bi çesman seyr bikin

Dê kohê Qaf ker ker bikin mecrûhê pir-kovan im ez

Min ah ji dest kovan û qeheran min sebir nayêt li seheran

Sûbehetê mewcên di behran qulzemê umman im ez

Qulzem û behrên di heftê agirê esqê ku keftê

Dê bisojit mislê niftê min dîye, pê zanim ez

Min dîye muhbet çi reng e sohtime doja pir-ye`ke

Min mudam dil ji biheng e bi nallîn û efxan im ez

Nalîna teyr û tuyûran kalîna çeng û bilûran

Xulxulên di qesr û qusûran bulbulê xosxan im ez

Bulbul um daîm dixwînim ez yaqîn ez te bibînim

Dîn dibim sewda dimînim serxos û sokran im ez

Serxos û ebter kirim te ji îlleta rengzer kirim

Te sotim û ker ker kirim tu agir î buryan im ez

Agir û pêta di dil da me`neyan daxan ku hilda

Ew kitib naçit du cilda hafizê medhan im ez

Hafizê medh û pesendan rohîya mehbûb û rindan

Bê hesab werbûn di fînda sotîyê bê can im ez

Soti me qet pêt û nar ne kustî me derb lê dîyar ne

Min demek sebr û qera ne nexwesê pir-jan im ez

Nexwesê reng lê nemayî dest li se falê nihayî

Wan digot ji çavê gihayî kûstiyê e`ynan im ez

Kustime her do `ûyunan yan kî yêd nisbet ji nûnan

Radikit ew qetl û xûnan girtiyê zindan im ez

Girtî me insaf di mîr ne qazi û mufti ve bîr ne

Qeyd kirim kes bê xebîrne bendeyê hicran im ez

Ma di benda firqa te canfidayê xidmetima te

Da bibînim rehmeta te nobedarê xanim im ez

Nobedarê qullehê xo dergevanê derqehê xo

Bîne bîr û agehê xo tûleyê asîtan im ez

Çavrêyê sirra li pês im meqseda ezlê fenis im

Hicreta Yûsuf dikêsim Ye?qûbê Ken`an im ez

Kor e bo Ye`qûb ji dînê j` perdeya daxa evînê

Ger dibê veke birînê hewceyê Lokman im ez

Wan digot Lokman tebîb e gote min xef `endlîb e

Sarifê derdan hebib e pê bawer û iman im ez

Sond dixwin sa`id û destan kevir û seylêd li bestan

Min bi xom li curhan bebestan be rahet û asan im ez

`Asiqa rahetya kêm eagir û pêta dilê me

Çend hezar medhên dibême muhîtê esman im ez

Xwezî min sed ser hebûna sed hezar dev pê ve bûna

Ew hemûl`medhên te bûna hêj bi wan niqsan im ez

Ez kiz û zer bûm ji qehrê dê devêk çibikit jibehrê

Yan du çav çibikin ji seherê bê dîtina eynan im ez

Sed hezar çav min divêna bayekî perdan hilîna

Xet û xal min têr didîna esqa qutî can im ez