Îranê soza hevkarîya bê tixûb da Telebanî

KSN/ 23/11 2005- Serokê Îraqa Federal Celal Telebanî ji bona sê rojan serdana Îranê kir û bi serokkomar Mehmud Ehmedî Nejad, wezîrê derva û rêberê dînî Ayetulah Xamenayî re hevdîtin pêkanî. Telebanî, Îranê soz daye ku, wê li hmberî xirabkeran alîkarîya Îraqê bike. Li gora gotinên Telebanî, Xemenayî gotîye ku, ji bona alîkarîya xelk û hukumeta Îraqê em tu tixûban nasnakin. Lê agahî neda ku, wê vê alîkarîyê çewa bikin.

Lê karbidestên Îraqê û Emerîka di wê bawerîyêdane, ji bona ku xirabker di tixûbên Îranê re derbasî Îraqê nebin, îranê tedbîrên pêwîst negirtî.

Îran van îdea û îdeayên ku destê wan dinav Îraqê de heye û ew rê pêş şîîyan dikin, red dike.

Ev 40 sal e cara yekem serokê Îraqê serdana Îranê dike. Segreterê giştîyê YKNê Celal Telebanî, di dema Sedam Huseyin de navbera wî û Îranê pir xweşbû.

Li gora nûçeyên Ajansa Reuterê, Îranê yek milyar dolar bi deyn û 10 milyon dolar jê wê hîbe bide Îraqê. Lê ev nûçe hê ji alîyê Ajansên Îranê ve nehatîya piştrsakirin

Celal Telebanî û serokkomarê Îranê Mehmud Ehmedî Nejad, pêkve civînek çapemenîyê li darxistin û li ser girîngîya tiştên ku di navbera wan de derbasbûye sekinin.