Îran wê di 24ê vê mehê de carek din biçin ser sandiqê

KSN/6 2005- Xelkê Îranê doh çûn ser sandiqê ku neemîn serokkomarê Îranê hilbijêre. Lê îroj encamên hilbijartinan dîyarbû ku ji namzetên serokatîya Îranê kesî ji %50 deng negirtine û ji ber vê yekê ye ku care duemîn dê di 24ê vê mehê  de, biçin ser sandiqê. Namzetê herî zêde deng girtîye Eli Ekber Haşîmî Rafsancanî ye ku ji %20.84 deng girtî û Mehmûd Ahmedînecad ji %19.71 li pey Rafsancanî ye.  

Li gora  yasaya hilbijartina serokkomar, divê du  namzetên herî pir deng girtine, wê di 24ê vê mehê de carek din herin hilbijartinana û ji wan kîjanî ji %50 î deng girt wê bibe serok komarê Îranê.