Hikmetê Pîrozîya Şeva Qedrê/ Leyletul-Qedir

KSN/ 29/10 2005- Me ew ( Qurana pîroz) di şeva qedirê de daxist. ( Ya Muhemed)  Ji te re hatîye gotin, an jî; tu dizanî şeva Qedrê çiye? Şeva Qedrê ji hezar mehî qenctir e. Di wê şevê de malayîket û Rûh ( Cebrail) bi îzna Yezdanê xwe, ji boyî her tiştî dadikevin.  Di wê şevê de hetanî berbanga sibê, ewleyî û aramî haye. Sûrê Zîlzal

Xwedê Teala, ji me ra ferman dike ku,  şeva Qedrê- Leyletul-Qedr, di meha Remaznê de, ji hezar şevên wekî xwe çêtire.  Gelo sedem çîye ku Xwedê Teala îbadetên şevekî ji hezar şevên din, bixêr û bêrtir kirî? Em ê bêjin; sedem ew e ku, di Şeva Qedrê de, Qurana pîroz daketîye. Tişta ku qedr û qîmet daye Şeva Qedrê, Qurana Pîroz e.

Xwedê Teala bi vê ayeta hana bi me daye zanîn ku, Qurana pîroz, ji boyî pirsgirêkin civakî, malbatî, tendurustî û piskolojî dermanake bê nîşeye. Berîya daketina nîzama Yezdanê Dilovan, hemû cureyên nemirov dihatin kirin û zulm û zordarî gihîştibûn erşê ela û tu weteyek ji mirovatîyê re nemabû.

Her kes bê hêvî ku ji pêşeroja xwe ne bawer û di destê maldar û zordaran de bûbûn wekî kole û tu wextî derbarî jîyana jin û zarokên xwe de, ewle nebûn.

Di demak waha de, Xwedê Teala Qurana pîro di şeva Qedrê de daxist û nîzama Xwedê Teala, ferman dide ku rê nedin tiştên ne mirovî û hovane  û divê di nava hemû çînîyên mirovan de, edalet bê bicîkirin û rûmet ji morovatîyê re were girtin.

Derbarê Şeva Qedrê de, tu ragîhandineka ku mirov bêje ev e tune. Lê Pêxember silavên Xwedê lê be, di hedîsek xwe de ferman dike ku, "Li Şeva Qedrê di dehên dawî yên meha Remezanê û di şevên kit/tek de, bigerin" Mumkine ku Şeva Qedrê di 21, 23, 25, 27 û 29ê meha Remezanê de be, lê piranîya bawermendan di wê bawerîyê da ne ku  Şeva 27ê meha Remezanê, Şeva Qedrê ye.

Bi ya min ji şîrovên kilasîk bêtir, divê mirov di jîyanê de, li ser giringîya rola Quranê bisekine. Her ruknekî dînê Îslamê,wekî  Nimêj, Rojî, Hec û Zikat, xususîyeteka wan ya tayîbet heye, lê dîsajî hemû îbadetên Xwedan e û yek ji ya din çêtir nîne.

Qurana pîroz, qanûn û nîzameka Xweda ye û ji bona kar û xizmeta mirovan hatîye daxistin. Qanûn û nîzama Yazdanê Mihrîban,  di xizmeta mirov da ne û rêya bextiyarîya dunê û axretê nîşanê mirov dide.

Xwedê Teala di  Quranê de waha ferman dike:" Birastî jî Me zarokên Adem  kirin xwedîyê şeref û rûmetê û  Me ew di ser ber û deryayê re ( li ser hin tiştan) birin. Me rizqên xweş dan wan û Me ew  li ser gelekî  afiranderên xwe   jî, bi rumetir kir" Sûrê Isra, ayet 70

Ev ayeta pîroz, nîşan dide ku mirov di dunê de, çiqas bi rûmet û rola mirovan çiqas  girîng e. Ma dunaya ku bê mirov be, bi kirê çi tê?

Bê guman xweşîya dênyayê, bi mirovan e û her tişt ji bona  xizmetê mirovan hatîye afirandin.

Her îbadet û karên qenc yên ku di Şeva Qederê bê kirin, ji hezar îbedat û qencîyên ku  di şevên din de tên kirin, qenctir e. Divê mirovên bawermend, di van 10 rojên dawî yên meha Remezanê de, bêtir xwe nêzîkî Xwedê bike û ayîn û îbadetên xwe zêdetir bike.