KSN/ 21/12 2005- Dohî heyetek ji PDKê bi serokatîya serokê hikumeta Hewlêrê Nêçîrvan Berzanî, Serdana Yekgirtuya Îslamî ya Kurdistanê kir. Heyet ji segreterê PDKê Fazil Mîranî,  Dr. Fuad Huseyin û Serbaz Hewramanî, pêk hat.  Segreterê giştîyê Yekgirtu ya Îslamî Selahedîn Muhemed Bahadîn û serokê şura Yekgirtû û ji politburoya Yekgirtu Muhemed Ferec pêpşwazî li heyeta PDkê kirin û herdû alî li ser hilbijartin û rêdanên van damên dawîn ku li bajarê Dihok û bajarokên derûdorê wê rûdabû sekinîn.

Nêçîrvan Berzanî, ji bona şehîdkirina 4 endamên Yekrtu ya Îslamî, serxweşî li Selahedîn Muhemed Bahadîn kir  û xemgînîya xwe derbarê bûyerên ku li mintîqa Behdînan rûdabû, da dîyarkirin.

Berzanî, di xeyala PDKê tunebûye ku rojek ji roja bûyereke waha li himberî terefekî dost û Kurdistanî wek Yekgirtu pêkbîne. Em amadene ku birînan bi pêçin û  emn û ewleyîya li heremê bi cî bikin.  Bira Yekgirtu dilrihet be  ku, ev êrişana ji aliyê PDKê ve nehatiye kirin, belkî ji alîyê hin kesên dijatîya rewşa Kurdistanê ya aram dikin ve hatîye kirin.

Her wusa Nêçîrvan Berzanî, spasîya Yekgirtû ya Îslamî kir ku ewqas  karasat û talankirina di ser Yekgirtu de hat, dîsa jî  Yekgirtu nehêla bûyerek dîtir û mezintir rûbide û  xelk têknedan û aramî û aştîya heremê xira nekir.

Selahdîn Muhemed Bahadîn, spasîya  heyeta PDKê kir û axiftina xwe waha berdewamkir, di gel ku van êriş û kuştinên di ser me hat,  divê ev buyer ji vîya mezintir nebi. Divê ev kêşe bi şêweyek wusa were çareserkirin ku xizmeta aştî û aramîya Kurdistanê û peywendîyên navbere hêzên Kurdistan û meltê Kurdistanê bike.

Bahadîn, divê em rê li van buyerên ku li dijî gelê me ne bigirin ku carekî din rûnede. Li dumayîkê dibêjim, divê komisyona teyîbet ya ji bona vê burê, dest bi karê xwe bike û kesên gunekar derxînin ber dadegehê û cezayê ku heqkirine bigirin.

Ê me, ew kar û kirên ku  ne di  xizmeta gelê me da be, nakin û  mafê tu kesî tune ku rewşa Kurdistanê tevlihev bike.