KSN/ 31/8 2005-  Piştî Erdgan serdana Dîyarbekir kir û li wêderê got ku " li tirkîyê pirsa Kurd heye" rojeva sîyasî û civakî li tirkîyê û Kurdistanê germbû û livandineka ber bi çav ket nava rêxistinên kurd. Her alîyek li gora xwe reng û rûmetik didin gotinên Erdogan. Li gora Hinekan gotinên Erdogan, înqilabek li ser sîyaseta dewleta Tirk ya 80ê salî kir û li gora hinekan jî gotinên Erdogan ji çareserîyê bêtir, bi xwe di nava nakokîyan da ne û nikare tiştekî bi guherîne. Melpera Serhedê jî  ji bona  bersîvdana van pirsan û hin pirsên din ji bona we xwendevanên bi rûmet, bi rêya telefonê hevpeyvîneke bi  sîyasetmederê Kurd û serokê HAK-PARê rêzdar Abdulmelik Firat re kir.

Dilbirîn Şerefdîn Pirs- Erdogan li Diyarbekir got ku li tirkîyê pirsa kurd heye, li gora we Erdogan di van gotinên xwe de rast e û dikere li pişta  gotinên xwe bisekine, an wekî S. Demirel, wê ew jî gotinên xwe ji bîr bike.?

- Ev bû 82 sal in  ku miletê Kurd bi cand, ziman, urf û adetên  xwe ve ji aliyê dewleta Tirk ve hatîye Înkar kirin. Lê  başwekîl Erdogan li Dîyarbekir got ku pirsa kurd heye û di mêjdemê de dewletê xeta kirîye. Erdogan di vira de xetayê dewletê îhtirafkir û Erdogan dibêje; ku em ê  vê pirsê bi Demokirasîyê çareser dikin.

Li ser vê gotina başwekîl, gelek ji rewşenbîr û sîyasetmedaran nêrînên xwe dîyar kirin û me jî nameyek vekirî ji Erdogan re şand û daxwaz û helwesta HAK-PARê tê de dîyerkir. Berîya Erdogan jî Turgut Ozal û S. Demirel  gotinên bi vî rengî gotibûn, lê ji gotinan pêvetir pêşve neçû.

Pir zehmet e ku Erdogan di gotinên xwe de bi serbikeve, ji ber ku parêzvanên dewletê eskerin û esker naxwazin herfekî jî biguherînin. Lê miletê tirk bi tevê dewletê ji % 70ê dixwazin bikevin Yekîtîya Ewrûpa û ji bona ku bikevin YE, divê kirîterên Kupenhagenê bi cî bînin. Li ser vê yekê, mafê miletê kurd wekî tiştên xwezayî; wek hewayê avê, mejbûrî wê bi awakî were helkirin û wek pirsa Kurd li Îraqê bi awakî were naskirin.

Pirs- Di 4ê ÎLonê de li Enqerê civînek wê were li darxistin, ev civîn ji alîyê kê ve tê organîzekirin û kîjan alîyên Kurdan hatine vexwendin.?

- Li tirkîyê rewşenbîr û gelekî terefan razîbûna xwe derbarî gotinên başwekîl Erdogan de dan dîyar kirin. Me jî wekî HAK-PARê nameyek vekirî ji başwekîl re şand. Lê di 4ê Îlonê de em ê bi qasî 300-400 rewşenbir, siyasetmedir û kesên navdar yên kurd ji bilî PKKê kombibin.

Em ê li ser van gotinên Erdogan guftugo bikin. Di pêvacoya tirkîyê ya Yekîtîya Ewrûpa û li ser gotinên Erdogan, em karin ci bikin û li ser kar û êrkên ku ji me tên xwestin wek miletê kurd bisekinin.

Pirs- Di 4ê Îlonê de alîgirên PKKê wê li Gemlîgê qeza Bursayê meşek ji bona Ebdulah Ocalan li dar bixînin û  wusan tê îdeakirin ku ji bona civina we bi fetisîne û rojevê meşxul bike ev meş tê li derxistin, hûn  çi dibêjin?

- Em wek HAK-PAR, dixwazin bi miletê Kurd re bidin û bistînin û miletê Kurd bi xwe biryarê li ser qedera xwe bidin ne wekî PKKê hertişt girêdayê şexsekî be û ew şexsa bi tenê biryarê li ser qedera miletekî  bide. Pirsa Kurd ne tapûya bavê Ebdulah Ocalan e Ji xwe aligirên me û yên PKKê ji hev cudan e. Alîgirên PKKê dibêjin; serokê me Ebdulah Ocalan e û divê dewlet temsîlcîyê me li Îmralîyê muxatab qebûl bike. Em jî di xwazin miletê kurd li hev rûnên ku, ci di karin bikin û ci dixwazin, bi xwe biryar bidin.

Wê rojê Selim Sadak li Firansa di civînek de got: Em telîmatên xwe ji Ocalan digirin û temsilcîyê me li Imralîyê ye. Lê em dibêjin temsilciyê me gelê Kurd bi xwe ye.

HAK-PAR, berî cend salan hetîye avakirin û destûra wê jî kifs e. Em ne Partîyeke ku   li dijî PKKê hatine avakirin.

Pirs- Di 28ê Îlonê de wê civînek li Parîsê çêbe meru dikare bêje ku ev civîn jî dewamîya civîna Enqerêye??

- Di 28ê Îlonê de li Parîsê civînek heye û ez ê li Firansa di Parlamentoya wan de li ser pirsa Kurd axiftinek bikim. Ew civîn jî disa ji bilî PKKê hemû terefên kurd hatine dewetkitin. Li Parîsê Musa Kaval heye ew organîze dikin. Lê derbarê vê civînê de, dema  di 10 Îlonê ji bona bîranîna Sêx Seîd de ez hatim Stockholmê ezê ji te re bêjim.