Dixwezim ji te re

zemînek baş

di bin lingên te

di tê de xwe berde jêr rîçika te

û xwe kutayî zexm bike

ku tu bê welat nemînî

li serê erdê.

                      Antje Sabîne Naegelî

Ji elmanî: Hesen Polat

06.09.2005, Stuttgart

Hemû Roj

Şer êdî nayê dîyarkirin

lê tê domandin. Yê nebihistî

bûye rojane. Qehreman

ji şer dûr disekine. Bêçare

tê şandin nav çembera agir.

unîforma rojê sewr e,

nîşana sterka bê çaretîyê,

ya hêvîya li ser dil.

ew tê dayîne

kengê ku êdî tu tişt neqewimî

kengê ku mîtralyoz bê deng ma,

kengê ku dujmin nexuya

û sîya çekdarbûnê

rûyê asîman por kir.

ew tê dayîne

ji bo reva ji ber alayan

ji bo merdîya li ba heval,

ji bo îxaneta sirrên rezil

û itaet nekirina

fermanên bi vî awayî.

                      Ingeborg Bachmann (1926-1973)

                      Ji elmanî: Hesen Polat

                      20.07.2005

Di Destê Te De

Carna dijim ez,

mîna pelekî

di nav bahozê de

çek tu min berbidî

ji bo her demî

Ez xwe berdidim

û bawer dikim ku,

çûçikek im,

ez xwe berdidim

û di nav tozê de dimînim

heyan ku te bibihîsim

û te binêrim

carna dijim ez

mîna pelekî

di nav bohozê de

ez xwe berdidim

çek tu min berbidî

ji bo her demî

feqet tu min digirî

di destê xwe de

                      Christa Peikert-Flaspöhler

                      Ji elmanî: Hesen Polat

                      23.09.2005