"Heke beq ne qure wê bi dire"

KSN/ 16/6 2005- Di be ku sernivîsa vê nivîsê hinekî balkêş be an jî baş  neyê fêmkirinê, lê ji bona ku ez rewşa dewleta Tirk karibim qenc ji xwendevanan re şîrove bikim,  min ji vê sernivîsê baştir nedît. Xewn û xeyalên miletê kurd yên sedê salan ev bu du roj pêkhat û me bi çavê serê xwe civîna Parlamentoya kurdistanê dît û wê Parlamentoyê serokê Kurdistanê Mesûd Berzanî hilbijart û Serokê Kurdistanê sondxwar û dest bi karê xwe kir.

Li ba miletê Kurd ev bû çend rojên cejn û şahîy û seyran e , lê  dagirkerên Kurdistan jî dil digirin û berdidin û Kurdistan bûye wekî kelemkî li ber pozê wan. Vêca dagirkerên Kurdistanê ji bona ku ji kerba neteqin, di xwazin xwe bi xwe teselî bikin û li ber dilê xwe bidin û hinek tiştan ji xwe re peyde dikin. Dagirkerên Kurdistanê tenê xwe bi êriş kirina ser miletê Kurd, têr dikin.

Washington Post,ê nivîsîye ku eskerên Kurd bi sedan turkmen û ereb girtin û birine girtîgehên Kurdistanê. Tirk ji vê nûça Washington Post,ê ji xwe re kirine mene û êrîşê Kurdan dikin. " Kurd ji hedê xwe derketin" Kurd zulmê dikin" Kur ji sînor derbasbûn û hwd. Her wekî dewleta Tirk ji her tiştî êrî û bêrî ye û bêk û fedî jî bike qebehatên xwe davêje sutûyê Kurdan.

Eger di dunê de dewleteka zalim hebe, ew jî dewleta  Tirk e û eger di dunê de  miletekî nîjatperest hebe dîsa miletê Tirk e.

Qareqar tim ji qelsîyê tê. Îroj pirsa Kurd ji nav lepên dewletên dagirker derketî û bûye pirseka Navnetewî ji ber wê yekê ye ku ewqas dewletên dagirkerên Kurdistanê bêzarbûn û normal e ku ew xwe nerihet bikin.

Pêşîyên Kurdan bîlesibe negotîne ku " Heke beq ne qure wê bi dire"

Dîroka Dewleta Tirk bi qetlîaman dagirtîye û xwedî qebehetên hovane ye. Bi qasî rejma kemalîst zûlim kirîyê û hê jî binavê Kemalîzmê zulma tê kirin, kêm rejm henin ku wekî Kemalîzmê zulum kirîbe.

Ne dûre ku wê rojek Kemalîzim di Dadegehêr Navnetewîde were Dadegehkirinê. Îro çewa Qirkirina Ermenîyan di qada Navnetewî de tê munaqişe kirin û wek qetlîam tê qebûlkirin, wê roj were ku pirsa Kurd ji di qada Navnetewî de were munaqişe kirin û T.C were mehkûm kirin.

 Dilbirîn