Fîlimê li ser hunermenda kurd Suzana Barmanî xelata yekem girt

Ji bo çapemeniyê   19.11.2005, Stockholm

 KSN/ 20/11 2005- Li Amerîkayê li bajarê Vîrjînyayê, di pêşbirkeya navneteweyî ya fîlimên domumenterî de fîlimê li ser hunermenda kurd Suzana Barmanî xelata yekem girt. Rêxistina IAWRT ku xelat daye vî fîlimî, sedema xelatdayinê weha tîne zimên:

”Xelata fîlimê dokumenterî yê herî baş a sala 2005an hatiye dayin bo fîlime Maria Rinaldo ya li ser jineke kurd, dayik, hunermed, aktîvîst ku wek biyanîyekê li Swêdê dijî. Hedefa Suzana ew e ku bi rêya bikaranîna muzîka xwe, nasname û zimanê gelê kurd biparêze. Fîlmçêker  salekê wê dişopîne û bi wêneyên jiyana wê ya rojane, ew handan û teşwîq û îsyanên ku di xem û xeyalan de rastî wan tê, nîşan dide. Zimanë wêneyan germahî û tesîreke jidil dide mirovî. Loma fîlima Marîa Rînaldo ”Suzana – I have a dream (Suzana- Min xewnek heye)”layiqê xelata fîlimê dokumenterî yê herî baş a îsal e.”

Fîlim di televîzyona Swêdê de jî hat nîşandan.

Li ser xelatgirtina fîlimî di çapemenîya Swêdê de gelek hat nivîsîn.

Xelat ew ê di 30.11.2005an de li Stockholmê di seremonîya xelatë de were dayin

IAWART (The International Association of Women in Radio and Television - Rêxistina Navteweyî ya Jinên di Radyo û Televîzyonan de), di 1951an de hatîye damezrandin. Rêxistineke îdeel e û statuyeke wê di nav UNESCOyê de heye.

Ji bo agahdarîya zêdetir a li ser Suzana Barmani: www.barmani.se