KSN/ 11/8 2005- Serokê Meclîsa Bilind ya Şoreşa  Îslamî Ebdulezîz el-Hekîm bang li erebên şîî kir ku li başûrê Îraqê de di bin sîwana Federalîye de weri ba hevdû. Li bajarê Necefê  El-Hekîm di axiftina xwe de dibêje; divê li himberî Federalîya Kurdistanê, erebên şîî hemû di bim konê Federalîya şîî ya başûrê Îraqê de werin bahevdû. Her wusa El-Amir serokerkanê rêxistina bedir  qanadê eskerî ku girêdayî el-Hekîm e got ku, eger erbên şîî  Federalîyê nexwazin, wê paşê poşman bibin.

Erebên şîî dibêjin, daxwaza me ya Federalîyê ne tişteke nûye belkî ji berê de em dixwazin ku  hemû heremên ku şîî tê de dijîn bikin yek. Şîî wekî Kurdan dixwazin ku hereama wan serbixwe be.

Kurd, şîî û erebên sunî, li ser 18 xalên ku li ser li hev nekirine, civînên wan berdewam in ku karibin li ser destura Îraqê li hevdû bikin. Lê hetanî niha erebên şîî bi eşkeretî behsa Federalîya şîîyan nedikirin. Tê gotin ku xala herî girîng li ba şîîyan ew ku, nasnama Îraqê Îslamî be û Kurd jî naxwazin ku nasnama Îraqê Îslamê be.

Şîî wusan pîlan dikin ku, li başûrê Îraqê Federalîya şîîyan avabikin û di pêşerojê de jî dewleteka şîî ya Îslamî îlanbikin.

Çevkanî: El-Cizîre

Amadekar: Dilbirîn