Diho li Meclîsa Makedonya qanûna nuh ya Alê hate qebûlkirin;

KSN/ 17/7 2005- Gelo dê kengî Alaya Kurdistanê bête daliqandi..Li gorî vê qanûna nuh a ku hate qebûlkirin di şaredariyekê de heke piraniya neteweyekî di ser 50% î re be dê alaya wan a netewî jî li kêleka ya Makedonî bête daliqandin. Li du şaredariyên rojavayê welêt Jupa û Plasniça ku piraniya wan Tirk in dê alaya Komara Tirkiyeyê li kêleka ya Makedonî bête daliqandin.

Ev qanûna hanê ji bo netewên dinê jî derbas dibe û tê payîn ku ji 84 şaredariyan 16 şaredarî alayên xwe yên netewî jî li kêleka ya Makedonî daliqînin.

Ev nûçeya hanê di rojnameyên Tirkan de mîna nûçeyeke mizgînbexş bo xwendevanên xwe weşandine û pê kêfa xwe tînin; gelo li şûna wê nûçeyeke weha hebûna ”Dewleta Sûrî yan Îranê biryar da ku li bajarên piraniya nişteciyên wê Kurd in dê alaya Kurdistanê li rex ya wî welatî bête daliqandin.” gelo dê nûçe bi çi awayî ragihandana û çiqas gotinên ku dilreşiya wan diyar dikin di rojnameyên xwe de binivîsandana…

Wele heke kurd weke tirkên makedonî jî nebin û li herêmên ku lê di piraniyê de ne doza dardekirina alaya xwe nekin, mana wê ji şiyarbûnê gelekî dûr in û di vê sedsala ku êdî kesek di xewde nemaye ne layiqê tu tiştekî jî ne.

Mucteba Baravi

mkurmanci@hotmail.com