Divê herkes lingên xwe li gorî cila bavê xwe dirêj bike!

KSN/ 26/6 2005- Ev gotineka pêşîyên kurda ne ku dibêjin; " Divê her kesek lingên xwe li gora cila bavê xwe dirêj bike!" Di Rojhilata Navîn de hin guherîn pêktên û kevir û hîm jî cîyên wan tên  leqandin û wê hinek deverên nû wê werin avakirin û  gelekî nev werin guhertin. Ev guherînên ku li Rojhilata Navîn pêktên, biqasî ku li ser dikê-sahne ye ku  em dibînin, belkî sê ewqas jî li paş perdeye ku em nebînin û belkî pirên me jî tew fêm  jî nekin ku tiştên herî girîng li paş perde tên organîzekirin.

Di Rojhilata Navîn de, bê riza û îzna Emerîka, kesekî nikare kevirek ji cîyê wî bileqîne. Ev bûyerên ku em li ser dikê dibînin, Xweda zane, belkî berî  4-5 salan hetîye pîlankirin û îroj lîstikvanên şanoyê yek bi yek rola xwe digirin û derdikevin ser dikê û em jî ji wan re li çepikan dixînin. Ma,  ji xwe eger hinekan  ji me, li çepikan jî nexistana wê ji hev bi teqin.

PDKê û YNKê ev bû 12 salên li hevdû nekiribûn, lê piştî ku wezîra der ya Emerîka  Condoleezza Riceyê çû serdana Îraqê û bi serokê KDPê Mesûd Berzanî Û bi serokkomarê Îraqê Celal Telebanî re axifî her tişt bi carekî çareserbû.

Hûnê bêjin ka tu çi dixwaze bêje..?

Ez dibêjim; "ew aktorê li paş perde çi demî bixwaze dikara ji wan listikvanên ser dike bi guherîne û kê jî bi xwaze bixe cîyê wan". Vêca bila her kesekî lingên xwe ji cila  bavê xwe dirêjtir neke. Divê her kasekî li gora hêza xwe karibe rola xwe bilîze û cîyê xwe di jîyanê de bigire!

Nivîskarê Tirk yê rojnama Millyetê Fikret Bila îroj dinivîsa xwe de, pîlanên dewleta Tirk rêz kiribû  û xalên ku li gora wan girîngin jimartibû.  Fikret Bila daxwazên dewletê waha rêzdike. Yek, divê Turkmen di anayasa Îraqê de Netewa sêemîn wrein qebîlkirin. Dudo divê Kerkuk bi Bexdayê ve were girêdan. Sêsê, Pîlanên Berzanî yên ku di xwaze Sincarê bike Bajar( il) û Telehfêrê jî pêve girêde, were rawestandin. Çar, divê di hilbijartinên  ku wê di dawîya sala 2005an de tê kirin dê  yekîtîya Turkmenan çêbe.

Dewleta Tirk hertim ji hedê xwe zêdetir tevgerîyaye û hê jî dixwaze wusan bigere. Bîst mîolyon Kurd li Tirkîyê hebûna wan nayên qebûlkirin û ji hemî mafên xweyên mirovî jî bêparin. Lê ev yek  li ba Tirkan  tişteka geleka normal e û ji bona sêsed  çarsed hezar Turkmenan dikare 40 mîlyon kurdî qir bike. Pirsa Kurd ji bin destê dewleta Tirk derketîye û ketîye destê yekê din. Divê Tirk êdî fêm bikin ku bi tenê fêda wan di  dostanîya Kurdan de heye û dujminatîya Kurdan ji bona dewlete Tirk, jehr e.

Pîlanên Emerîka yên dirêj li Rojhilata navîn hene û Emerîka ji bona çav û birûyên Kurdan yên reş nehatin Rojhilata navîn. Lê me  Kurdan di roja îro de ji hatina Emerîka fêde dîtîye û rojên pêş me de em ê bijîn û bibînin ka wê çi bi qewumin.