Dewleta Norweçê îdea dike ku Mela Kirîkar li ser rêya Seyîd Qutub e

KSN/ 6/6 2005-Dewleta Norweçê di rûnişkandina îro ya Dadegehkirina Mela Kirîkar de, parêzerê dewleta Norweçê guhdarîkir. Parêzerê Norweçî hemî rêxistinên Îslamî wek rêxistinên terorîst binav kir û dîroka rêxistinên Îslamî raxist ber Hakimê Dadegehê. Li gora parêzer T. Stabil, Kirîkar di bin bandora rêxistinên Hemas, Cîhad û rêxistina Îslamî ya Keşmîrê de maye. Mele Kirîkar jî, dewleta Norweçê  di bin bandora zirtên Emerîka de maya û ew jî ketîye lîstika sîyasî, ew jî herba li dijî Îslamê ye.

Parêzerê Norweçî îdea dike ku, Mela Kirîkar di sala 2003an de li ser înternetê (qesta wî Paltak e) gotîye ku  ji bona riza Xwedê li dijî Emerîka çi ji destê min were ez texsîr nakim û ev jî tê meneya ku Mela Kirîkar wê karekî întiharî li dijî Baloyoxana Emerîka ya li Osloyê pêk bîne.

Parêzerê dewleta Norweçê T. Stabil dibêje; ku fikrên Mela Kirîkar fikrên Seyîd Qutub e. Fikrên Seyîd Qutub ew e ku her kesekî bi emer û fermana Xwedê Te`ala hukum neke ew kafir e. Parêzerê Norweçî qismek ji kitêba seyîd Qutub ji erebî wergerandîye zimanê norweçî û dibêje Kirîkar telebê Seyîd Qutub e û delîla herî mezin jî navê Kurê Mela Kirîkar Seyîd Qutub e. 

Mela Kirîkar dibêje; ez ê roja pênşemê dubare derkevim pêşberî dadegehê û hemî îdeayên parêzerê Norweçî derew derxînim. Lê dewleta Norweçê di bin bandora zirtên Emerîka de maye û hatîya lîstika sîyasî ew jî îro herba li dijî Îslamê ye. Norweç bê ku jîyana min bigira garantîyê, min dişîne başûrê Kurdistanê.

Çevkanî: El-Erebia