DEHAPê Mesud Berzanî û Celal Telebanî vexwendin Newrozê

DÎYARBEKIR, 14/3 2005- Partîya DEHAPê tayê Dîyarbekir ji bona pîrozkirina Newrozê ya 21ê Adarê, bi rêya Nûnerên PDK û YNK yên Enqerê serokê PDK Mesud Berzanî û segreterê giştîyê YNK Celal Telebanî vexwendin Dîyarbekir.

Partîya DEHAPê tayê Dîyarbekir, da dîyarkirin ku  wê îsal ji bona pîorzkirina Newrozê ya 21ê Adarê, şahîyek berfireh li darbixîne û di lîsata ku wan amadekirîye ji bona vexwendina pîrozkirina 21ê Adarê, ev navana hene, serok komarê Tirk Ahmed Necdet Sezer, serokwezîrê Tirk R. Tayib  Erdogan, sorkê parlammentoya Tirk Bulent Arinc, serokê PDk Mesud Berzanî û Segereterê giştîyê YNK Celal Telebanî hatine vexwendin.

 partîya DEHAPê tayê Diyarbekir, 176 kes ji sîyasetmedar, Balyozên beyanî, Nivîskar, Rewşenbîr û Hunermend vexwendine  şahîya Newrozê  ya 21ê Adarê. Dinava van kesên ku hatine vexwendin de. Balyozên 50 dewlet û Nûnerê YE yê Tirkîyê, serokên ode, sendîqa, komelên demokiratîk û endamên partîya DEPê yên kevin Orhan Dogan, Selîm Sadak Hatîb Dicle û Leyla Zana, henin.

Serokê DEHAPê yê Dîyarbekir Mesut Baştaş got ku; "Newroz cajna Rojhilata Navîn e" Ji ber vê yekê jî me ferq nexistî navbera dîn, ziman, reng û netewa û derê me ji herkesî re vekirîye.

Lê hatanî niha nehatîye zanîn ka  Mesud Berzanî û Celal Telebanî wê werin an na.
 

Interhaber: Şîrove Dilbirîn