Daxwîyanîyên Apocîyan dewleta Tirk têr nekir

Dîyarbekir, 23/3 2005- Nîjatperestên kemalîst yên xwe  demokirat nîşan didin wekî Taha Akyol, dîndarê Kemalîst wekî Ahmet Hakan û qelemşorê dewleta tarî û serfermandarîya tirk, ji daxwîyanîyên Apocîyan têr nebûne û ji Apocîyan dixwazin ku wefadarîya xwe bi dewleta Tirk re bidin îsbatkirin. Rê nîşanderên Kemalîst û qelem şorê dewleta terî, rêya wefadarî jî nîşanê Apocîyan didin.

Dewleta Tirk îdea dike ku hin kesan li Mersînê xwestina ala wan bişewutîne û ji bona vê yekêye ku dewleta Tirk li ser pêyaye û tehdît û gefan li miletê Kurd dixwun. Lê tu îsbatek tune ku kesî ala Tirkan şewutandiye, bi tenê du sê zarok ala wan bi erdê ve dikişînin û pê dilîzin. Apocî çiqas xwe înkar dikin û xwedî li ala Tirkan û hemî hêjayê wan derketin jî, lê dîsa têrê nekir û dewlet hê zêdetir dixwaze ku Apocî bi her awayî wefadarîya xwe bi rejma Kemalîst û girêdan xwe bi dewlata Tirk re bidin îsbatkirin.

Ev bû çend roj ez li ser vî babetî dinivîsînim ku dewletê ked û emga miletê kurd bi destî Apocîyan kiriye xizmeta xwe. Newroza îsal baş da îsbat kirin ku îdeayê min rastin û dewletê ked û emga bi milyonan kesên xwestin Newrozê bi ruhîyeta wê pîroz bikin,  kir xizmeta xwe û di Newroza îsal de bi tenê piropaxanda dewleta Tirk hate kirin.

Dewletê naveroka Newrozê val hîşt û ji bona meşrûkirina nîjatperestî û dîktatorîya xwe bi kar anî. Bi mîlyonan miletê Kurd daketin kolanan, lê peyamên girîngîya mena Newrozê nehat dayîn, pirsa 4 hezar gundê şewutî nehat kirin, hesabê wêrankirina Kurdistanê nehat kirin, girîngîya meha Adar û qirkirina Helepçe nehat kirin, bindestî  û înkarkirina miletê Kurd nehat şermezarkirin. Apocîyan dîsa ked û emga miletê Kurd kirin xizmeta dewletê û xwedî li yekîtîya axa tirkîyê, al û hêjayê wan derketin.

Taha Akyol, ev du rojin di quncikê xwe yê rojnama Milliyetê de, rê nîşanê Apocîyan dide ku ka divê ew çi bikin ku dewlet ji wana bawerbike ku ew sadiqin. Akyol dibêje; daxwîyanîyên Apocîyan me têr nake û em ji wan bawernakin, divê DEHAP û der û dorê wê, hê zêdetir piropaxanda xwedi lê derketina ala tirk û yekîtîya axa tirkîyê bikin û ev jî  tenê bi guherndina armanc, felsefe û mejûyê  wan çêdibe.