KSN/ 27/ 9 2005- Îroj  Parlamentoya Kurdistanê, ji boyî devjenîkirina li ser reşnivîsa destûra Îraqê û referandûmê, civîna xwe ya duyemîn pêkanî. Serokê Parlamentoya Kurdistanê Edanan Muftî, derbarî armancên  vê civînê de agahî da Parlamentoyê û Muftî waha berdewamkir: Yek ji armancên vê civînê ew e ku di tevaya Îraqê de wê referandûm were pêkanîn û divê her alîyên dînî, sîaysî, rêxistinên sivîl û perwerdeyî rola ku jê tê xwestin ya erênî, bi kêmasî di dengdana referandûmê de bilîzin.

Di civînê de, reşnivîsa destûra Îraqê bi şeklê wê yê herî  dawî ji Parlamentoyê re hat pêşkêşkirin û hat xendin. Piştî devjenîkirina li ser desturê, civîn bi dawî bû.

Her wusan îroj li Hewlêrê nûnerên 16 hêzên sîyasî yên Kurdistanê di cîvîneke berfireh de hatin ba hev. Hêzên sîyasî li hev kirin ku di dengdana referandûmê ya ku wê di 15/10 2005an de  were kirin de, dengê erê bikarbînin. Ji ber ku ev destûr, hîmê esasîye ji bona avakirina Îraqeka nû.