KSN/ 6/9 2005- Piştî civîna kurdan ya ku di 4ê Îlonê de li Anqerê  pêk hat, di civînê de Komisyona Xebatê ya Netewî û Demokratîk ya Kurdan (Kürt Ulusal Demokratîk Çalişma Grubu) ku ji 15 kesan pêkdihat avakirin. Vê komîsyonê îroj kar, xebat û daxwazên xwe bi daxwîyanîyek pêşkêşî  raya giştî kir.

Di daxwîyanîyê de waha hatîye dîyarkirin, gurûbek ji ronakbîr û sîyasetmedarên kurd, piştî axiftina serokwezîrê Tirk Erdogan û hevdîtina wî ya bi ronakbîrên tirk re û pêvacoya Endamtîya Tirkîyê ya yekîtîya Ewrûpa û nêzîkbûna 3ê Cotmehê, di 4ê Îlonê 2005an  de li Enqerê civîyan. Di civînê de, divê rê li ber devjenîkirina li ser  micadila xebata Netewî ya kurd bi azadî bê vekirin. Ji bona ku ev Xebat Netewî ya Kurdan berdewam be û di qilefek teng de nemîne, Komîsyona Xebatê ya Netewî ya Kurd hatîye avakirin.

Komîsyonê, di daxwîyanîya xwe de balê dikişîne ser gotinên Erdogan û waha dibêje; her çiqas axiftina Erdogan ya liser pirsgirêka kurd bandora xwe  ya erênî li ser rojevê kiribe  jî, lê ji çarîva sîyaseta dewletê ya fermî ya ku etanî niha meşyaye derneketîye û dibe sateng ji bona çareserkirina pirsgirêka kurd.