Çîroka mêrikê tucar

KSN/ 27/5 2005- Ev bû çend name ne  ji Portela Serhedê re tê û xwendevan dixwazin ku bila Kurdên Musliman bibin yek. Em wek malpera serhedê xwedî tu hêzek sîyasî  ninin. Lê bi ya min ev çîroka li jêr  rewşa piranîya partîyên sîyasî yên bakûrê Kurdistanê radixîne berçava. Di çîrokê de mêrik ji jina xwe re dibêje ku min çêleka xwe da bi mîye kî,  Jinik jî dibêje te baş kirî em ê biçin bêrîya mîyan ma kî dizane ku çend mîyên me di nava kerî de hene, yên 100 mîyê wan jî hebin diçin berîya pez û yên 1 jî hebe diçin bêrîyê.

Vêca Hinek ji Kurdên bakûrê Kurdistanê dibêjin; bila navê partîtîyê li ser me be, an jî xelk bêjin ku filankes serok û rêberê filan partîyêye, bila ew û jina wî bi tenê endamên partîya xwe bin. Yê mîlyonek endamên wan hebin jî navê wan partîne û yên du kulekên wan jî hebin navê wan partîne. Em serê we ne êşînin keremkin vê çîroka li jêr bixwînin.

Çîroka mêrikê tucar

Divê mêrik rojek ji rojan ji jina xwe re dibêje; jinik em qet dewlemend nabin, ma tu dibê em çi bikin ku karibin dewlemend bibin?

Jinik: wele tu dizane.

Mêrik dibêje; jinik wele çêlekekî me heye ez ê sibê  çêlekê bigirin û herim bajêr û  li meydanê bifiroşim û dest bi tîcaretê bikim belkî Xwedêye em dewlemendbûn.

Jinik: wele fikreka baş e-

Mêrik rotina din çêlka xwe  digire û diçe bajêr û ji xwe re li koşekî meydana mal  li benda tucar disekin ku çêlekê bifiroşe.

Merivek tê ba mêrik û dibêje; selamu eleykim.

Mêrik we eleykummeselam ser çava bira.

Tucar, tu nayê em bazarek bikin?

Mêrik ser çava dibe çima nabe.

Tucar, ka were em mîyê û çêlekê  bi hevdû biguherin.

Mêrik dibêje wele baş e, em bi biguherînin.

Mêrik çêleka xwe bi mîyekî re di guherîne. Hinek disekine mirovk din tê û ji mêrik re dibêje; ma tu nayê me bazarekî bikin?

Mêrik dibêje; dibe çima nabe.

Tucarê nû dibêje, ka were ez kavirê xwe yê nêr didim te û tu jî mîya xwe bide min?

Mêrik, mîya xwe bi kavirek nêr re diguherine.

Hinek di serde derbas dibe, vêca yekê din tê û ji mêrik dixweze ku kavirê xwe yê nêr bi karekî biguherîne. Mêrik kavir xwe yê nêr bi karekî re di guherîne.

Piştî çend deqan yekê din tê, îjar mêrik kara xwe bi dîk re diguherîne û karê dide bi dîkek.

Hine di ser  bazara mêrêk re derbas dibe vêca yekê din tê û ji mêrik re dibêje heyren wele tu mirov Musilman e û tu serqote yanî serê te vekirîye û kumê te tune,  ma tu nayê ez kumek-kulav- bidim te û tu jî vî dîkê xwe bidie min qenekan di meha Remezanê de paşîva de ji me re azan dide.

Mêrik dibêje; wele başe û radibe dîkê xwe dide bi komek û berê xwe dide mal û diçe. Mêrik tê ser avak û  xwe xwardike ku li avê mêzeka ka kumê wî çewaye, mêrik wextî xwe xwar dike ku li avê binêre, kumê wî ji swerê wî de dikeve avê û biroda diçe.

Em serê we ne êşînin mêrik tê gundekî û li mal Axakyë gund dibe mêvan ku xwarin bixwe û hinek bihna xwe jî  bide û biçe mala xwe. Axa ji mêrik dipirse ku ji ku tê. Mêrik çîroka xwe yek bi yek ji Axa re dibêje. Axa ji mêrik dipirse ma gelo wê jina te bêhêle ku tu biçe mal?

Mêrik:  Êrê Axa ez ê herim mal û jina min jî tiştek nabêje.

Axa: sozê Xweda be eger jina te bihêle ku tu biçe mal û tiştek ji te re nebêje, ez ê 100 zêrê zer bidim te. Mêrik û Axa şertê xwe datîne û mêrik diçe mal.

***

Jina mêrik kbala xwe didê way mêrê wê ji binê gun de derket hat. Jinek pir kêfxwşdibe ku ev bû çend şev mêrê wê nelimale û diserda jî çûye ticaretê û pir mereqan dike kû ka mêrê wê çikirî. Mêrik tê mal û jina wî xêrhatinê didê û ji re xwarin datîne û piştî ku mêrik xwarina xwe dixwe û westa xwe digire, vêca jinik jê di pirse ka te çikr û tucartîya te çewa derbasbû?.

Mêrik dest pêdike û ji  serî de çîroka xwe ji jinêkê re dibêj.

Min çêlek da bî mîye kî.

Jinik dibêje; te pir baş kirî em diçin bêrîyê, ma kî dizan ka çend pezê me di nav kerîyê pezda heye. Ên 100 mîyê wan jî hene terin bêrîyê û yên ku 1 miyk wan jî heye terin berîyê, dema meriv çû bêrîyê êdî çi 100 be û çi jî 1 be qet ferq nake.

Mêrik, min mîh jî da bi kavirek nêr.

Jinik ew jî baş e, xelk dibêje bira kavirê nêr yê filankesê heye, ma kî dizane ku  ka di nava birê de 1 kavirek me heye an ji 100 heye ew jî bas ş.

Mêrik min kavir ji da bi karek.

Jinek dîsa wek berê dibêje; te baş kirî.

Mêrik dibêje; min kar jî da bi dîkek, jinik dibêje; wele ji xwe meha Remezanê nêzîkbûye û ji bana ku em rabin paşîva ji me re dîkek lazimbû qenekanë di paşîva de ji mere azan dide Xwedê kir ku te kar da bi dîk.

Mêrik dibêje min dîk jî da bi kumek.

Jinik dibëje wele te qenckirî, ji xwe kumê te tunebû û dinava xelkê de tu bê Kum nedibû.

Mêrik dibêje; ez hatim ser avê û min di avê de li kumê xwe nihêrî ka çewayê û kum ji serê min de ket avê û biroda çû.

Jinik hişk bi mêrê xwe digire û dibêje; bila di serê kum da be û kum bi qurbna te be, qene tu bi silametî xilasbûyî  kum bi roda çûye jî tiştek nabe.

Bi vî awayî jina mêrik dihêle mêrê wê here mal û dengê xwe nake û mêrik di şertê xwe û Axa de qezenc dike û 100 zêrê zer ji Axa distîne û taze dest bi ticaretê dike û dewlemend dibe.

***

Ne hemî lê hinek ji partîyên sîyasî yên bakûrê Kurdistanê jî wekî jina mêrik, dibêjin bila navê partîyê li ser me hebe û xelk bêjin partîya filankesê an jî filankes serokê filan partîyêye, bila qet ew û jina xwe tenê endamên partîyê bin an jî qet endamên partîya wan tunebe. Îroj gelek ji  Kurdên bakûrê Kurdistanê li Ewrûpa partîyên Elektironik çêkirine û heryekî melperek jî avakirine û sîyaset dikin.

 Amedekar Dilbirîn: E-Mail