Celal Telebnî bû serokê Îraqê

BEXDA, 6/4 2005- Parlamana Îraqê di civîna xwe ya îro de Segreterê giştîyê YNK Celal Telebanî ji bona serokê Îraqê hilbijart. Serokatîya Telebanî, ji bona miletê Kurd tişteka dîrokî û xeyalên sedsaln e ku iro hat cî. Di dîroka miletê Kurd de çaxek nû vedibe û wê birînên ku bi sedê sala ne  bê melhem mabû, wê werin kewkirin.

Yekşema derbasbûyî jî sorkê Parlamanê Erebê Sunî Huseyin Haşemî hatibû hilbijartin.  Cigirên Telebanî du  Erebin, yek ji wan Erebê Şîî Adel Ebdulmehdi e û yê din jî  Erebê Sunî Gazî El-Yawar e ku hatine hibijartin.

Bo gorî nûça interhaberê, wê roja Pêşembê jî serokwezîrê Îraqê were hilbijartin û wê serokwezîr hukumeta nû avabike.

Celal Telebanî kîye?

Telebanî di sala 1933an de li başûrê Kurdistanê hatîye dunyayê û Telebanî dema li Zanîngehê huqûq dixwend bû serokê ciwana yê PDK di bin serokatîya Mele Mistefa berzanî de. Ji ber ku Telebanî karê sîyasî dikir, nedikarîbû xwendina xwe bi qedîne û Telebanî di salên 1975an de ji PDK qetîya û partîya YNK avakir.

Telebanî piştî ji PDKê qetîya,  li himberî rejma Îraqê biryara şer girt û şerê Îraqê kir. Di salên 1992an de di navbera PDK û YNK pefçûn derket û bi hezaran Kur hatin kuştin û her wusan di navbera PKK û YNK de şer derket.

Di hilbijartinên ku di 30 Çilêdawî ya meha derbasbûyî de, Partîyên Kurd li başûrê Kurdistanê bi yek listekî ketin hilbijartinan û encamek baş bi dest xwe xistin û 77 endamê Kurd ketin Parlamana Îraqê. Serokatîya Celal Telebanî yek ji ancmî vê yekîtîya miletê Kurd li başûr e.