KSN/26/8 2005- RTUKê dê li gora raporên MITê biryara weşanên bi kurdî bide. Berîya  demekî di serokwezareta tirk de, terefên peywendîdar li ser pirsa weşanên bi kurdî civyabûn û piştê wê jî RTUKê di destura xwe de guhertin çekir û biryara weşanên bi kurdî hate dayîn. Lê tişteka pir balkêş ew e ku wê RTUK li gora raporên MITê biryara weşanên bi kurdî bide.

Bi vî awayî, wê MIT  derbarê wan televîzyon û rayoyên ku bi kurdî weşanê dikin, lêkolînan bike û agahîyên derbarê wan de bigîhîne RTUKê. Li gora RTUKê divê ew kanalên ku bi kurdî weşanê dikin, ew di programên xwe de  zimanê kurdî fêr nekin, li dijî yekgirtina neteweya Tirk weşanê  nekin û li bin her gotineke ku bi kurdî hate gotin, bi teksta tirkî jî were  nivîsandin.

Her kanal û radyoyên ku weşanê dikin, divê mejbûrî " belgeya ewlewîya netewê " “ulusal güvenlik belgesi”  bigirin. Hetanî niha van kanalên hana serî ji bona weşanê li RTUKê dan e.

Nazlıcan FM (Sêrt), Kanal 72 (Batman), Patnos (Agrı), Medya FM (Ruha), Genç İmparator Radyo (Meletye), Gün Radyo TV, Söz Radyo-TV, Aktüel Radyo ve ART TV (Diyarbekır).