Bi saya serê Apocîyan îro pûmê kor li ser xwîna miletê Kurd sîyaset dike

KSN/ 24/5 2005- Miletê kurd hemî hebûna xwe ji bona azadîya Kurd û Kurdistanê kirin qurbanî, zarokên kurd hatin kuştin, namûsa miletê Kurd hete lewutandin,  şeref û rûmata Kurdan hate pênc peran û kurdistan   wêranbû, lê îroj  çepê tirkan wekî pûmê kor li ser xwîn û ked û emega miletê Kurd rûniştine û sîyaset dikin. Gelekî Kurdên zana, Rewşenbîr û Bîrwer  henin, lê îro ev kesana bi detê Apopcîyan ji ked û emega wan hatine mehrûmkrin û di cîyê wan de çepê tirkan textê xwe li ser  Roj tv e û medya Apocînyan danîne.

Îroj Roj tve temsîla miletê Kurd nake. Ji ber ku ji Kurdîtîyê bêtir, xizmeta  Tirkîtî, Kemalîzm û dengê çepê tirkan dike. Apocî dicivîn û semînerên xwe de  li ser dujminatîya Neteweperestî û Welatperwerîyê disekinin û berî milet dide rêyek şaş.

Apocî,   kesên welatperwer bi çetweyên xwe didin bêdeng kirin û nahêlin ku derbarî bûyerên rojana de bîr û bawerîyên xwe bi rihetî bînin ziman.

Bi saya serê Apocîyan çepê tirkan dujminîya dîrok û rêberên miletê Kurd yên wekî Şêx Seîd û tevgera wî dikin û bi paşverûtîyê tewanbardikin. Çepên tirkan wekî pûmê kor neyartîya çand, dîn, urf û edetên kurdan dikin.

Bi saya serê Apocîyan çepê tirkan di Roj tvê de  Neteweperwerîyê wek nîjada kevinperest û Welatperwerîyê jî wek feodal nîşan didin. Lê miletê Kurd nizanin ku ew kesana bi navê Kurdayetîyê neyartîya wan dikin.

Apocî rê nadin ku kesên welatperwer û Oldar di Roj tveyê de, bîr û bawerîyên miletê Kurd bînin ziman. Çepên tirkan li ser navê Kurdan neyarîya koka Kurdan dikin.

Ew kesên bi qasî zilekî xizmet ji miletê kurd nekirine, yên wekî Kaypag Kaya û Qaltax Qaya û Deniz Gezmîş, bi rojan di Roj teveyê de tên bibîr anîn.

Sîyaset li bakûrê Kurdistanê xitimî ye, ji ber vê yekêye ku him dewleta Tirk him jî Apocî di nava hewuldanan da ne. Dewleta Tirk ji sîyaseta Kurdan ya sekinandï di tirse. Dewlet dixwaze bi çi wayî dibe bile be, div sîyaseta Kurdan bi herike û ew ji li gora xwe rê bide vê sîyaseta kudan.

Apocî jî her carî tiştek bêbingeh davêje meydanê, wekî Komara Demokiratîk û Konfederalizim. Apo hercarî bi destê serfermandarîya Tirk berê Kurdan dide gelîyekî û hercarî daholek dixe stûyê miletê Kurd û dibêje; li daholêxin bila cihan dengê dahola kurdan bibihîze. Lê her tişt bê fêde ye û sîyaset ne live.

Alîgirê Apo bi xwe di nava nexweşîyek rûhî (piskoloji) da ne û pêwîstîya wan bi alîkarîyê  hene. Ew jî qenc dizanin ku gotin û galigalên Apo pûç û vala ne û Apo li ser xeta xwer e, lê ji ber tunebûna Alternatîfekî û tehdît û zirtên çeteyê Apocîyan   ew jî bêçare mane.

 Dilbirîn: E-Mail