Bersîvek kurt bo Mele Nûredînê Xwediyê Partiya Mezlûmên Kurdistanê ya hate fesixkirin!

KSN/ 16/7 2005- Beriya her tiştî ez dixwazim bêjim ku Seydayê hêja te baş bala xwe nedaye www.serhed.net ê; ji xwe ji ber wê te gotiye ku we belavoka partiyê rakiriye û li şûna wê heqaretnameyek an jî bi gotineke din kufirname weşandiye. Na ev ne rast e, ez bawer dikim belavoka te hema li bin nivîsa min a hinekî bi rexnegîrî berê xwe dabû Partiyê hatiye weşandin û tu guherînek jî di belavoka partiyê de nehatiye kirin, bi kêmanî ez wisa dizanim agahiyên bêtir tu dikari yekser ji berpirsiyarê www.serhed.net ê bipirsî… ew navê ku li binê nivîsê  ye, ne navekî çêkiriye, navê min î rasteqîn e, ji xwe ji ber ku min hinekî rexne li partiyê girtibû bi hesabê ku belkî bersîv were û ew bersîva jî ji bo kesinî dinê neye dayîn min min navê xwe yê rasteqîn li binî nivîsandiye…

Dûvre ew ittihamkirina te ya bi navê ”xêrnexwazên partiya Mezlûmên Kurdistanê” a rast ne di ciyê xwe de ye. Min bi erênî yan bi neyînî rûmetek daye partiya te ku nivîsek jî li ser fesixkirina wê nivîsandiye. Lê heçî sedema nivîsandina nivîsa min ew bû ku her çend kes bêne hinda hevûdû û rabin bi dû damezrandina partiyekê kevin ev yek li gorî min ne tiştekî dirist e, û ji hêlekê de mîna ku mirov henekê xwe bi xwe û gelê xwe bike.

Mirov dikare bo xwe civateke piçûk, komeleyekê an cemaeteke pîçûk saz bike lê belê dema ku gotin tê ser partiyê, tiştekî hinekî mezintir tê bîra min… bi kêmanî ew partiya hatiye damezrandin êdî daye ber çavê xwe ku hemû karê û barê xwe bike bicîhanîn û bo gel pêşkêşkirina wê bernameya ku di sazkirina partiyê de diyar kirine û bibe nûnerê gelê xwe yê ku piştgiriya bernameya wan dikin.

Birêz di nivîsa xwe de gotiye ku ” Bi gor endamên rêxistinên kurdan, pmk rêxistina 2. bû di Kurdistanê de” ev gotina birêz mele Nûredîn heke ji niha û wade xwe li ser hinek cemaetên îslamîyên renge kurd wek ilim an menzîlê ku vê paşiyê bi hin navên dinê xwe rêxistin kirine li Kurdistanê hesab dike tiştekî dinê ye, lê heke wek rêxistineke xwerû kurdî û bo kurdistanê kar dikin rêxistineke dinê ya legal dibêje ez rêxistineke dinê ya wisa ji hêla endamên xwe de bikaribe di rêza duyem keve nas nakim, bila Mele Nûredîn bi kerema xwe vê malûmata hanê bibexşîne me. Tiştê ku ez dizanim vê gavê heke bibe alternatîf ji hêla partîyê de HAK-Par di rêza duyem de ye li KUrdistanê.

Lê heçî xêrnexwazî ye, ji bo çi ezê bibim xêrnexwazê partiya Mezlûm ez nizanim, tew heke rengê bawermendiyeke bi hamiyetê hatiye sitirandin li gel hebe ez ê wê ji hemûyên dinê nêzîktirê xwe bibînim. Sedem ji xêrnexwaziyê re tune ji ber ku em di qada siyasî de ne alternatîfên hevûdû ne û serkeftina partiyeke bi wî rengî sedema dilgeşiyê ye. Lê ya ku ez li ber dikevim mîna kurdên me yên Binxetê her ku çend kes tên hevûdû biryara damezrandina partiyekê dikin, partînin ji wan hene ku ji xwediyê wan pêvtir tu kes li dorê tuneye. Heyf e ku mirovên me yên xwedî xîret, xîretên xwe saziyên weha reng bi erdê de berdidin û xwe fêrî hatina hevûdû nakin û saziyên ku dê bi rastî ji di jiyanê de bibin alternatîfek saz nakin.

Di nivîsa xwe de wekî dinê min bahsa mirina wan kesên partiya mezlûmên kurdistanê damezrandine nekiriye, ew jî xeletiyek e, lê min ji bo wan ji niha û wa de di saziyên ku dê ava bikin de livîna bi hişmendî doz kiriye, vê gavê jî daxwaza  min ji Yezdanê Dilovan ew e…

Lê ez nizanim çima birêz hema wisa yekser berê xwe daye şexsiyeta manevî ya www.serhed.net ê gelo, digel ku navê min bi eşkere li binî nivîsandiye?

Wek şexsê Mele Nûredîn jî tu danûstendineke min a bi neyînî çênebûye heta ku ez bibim xêrnexwazê wî yan jî partiya wî…

Bi hêviya ku di kurdistanê de alternatîfên bawermend yên aqilane derkevin û em jî ji dil û can piştgiriya wan bikin.

Nivîs Mustefa karagoz û ya Mele Nuredîn Yekta li jêr e, ji kerema xwe re bixîne ka malpera Serhed.net;ê çi kufur kirî û êrişî bîr û bawerîyên kê kirî ku Mele Nuredîn nivîsîye ku " Gelo serhed.net jî dibê kufurname!. Biryar ya xwendevana ne.

Nivîsa ku li ser munaqişe çêbûye ya Mustefa kargoz

Nivîsa Mele Nuredîn Yekta

Mustafa Karagoz