Mesûd Berzanî:  Ev firsendên zêrîn e dema  ji destê me çû nema êdî dikeve destê me

KSN/ 7/8 2005- Parlamentoya Kurdistanê civîneka awarte  bi beşdarîya serokê Kurdistanê Mesûd Berzanî û serokwezîrê Kurdistanê Nêçîrvan Berzanî li darxist. Serokê parlamentoyê Edanan Muftî da dîyarkirin ku ev civîna awarte li ser daxwaza serokê Kurdistanê Mesud Berzanî hatîye li darxistin ku li ser amadebûna destûra îraqê devjenî bikin. Ednan Muftî, ji Berzanî xwest ku derbarî xalên ku kurd û Ereb li ser lihev nekirine de agahî bide Parlamentoyê .

Mesûd Berzanî em hinek gavan devêjin û ev gavana jî wê pêşeroja me dîyer bike û qedera me jî di vê destûra ku tê amadekirin da ye. Ji ber vê yekê ye ku berîya  ez biçim Bexdayê  û bi terefên sîyasî re derbarî destûra Îraqê de hevdîtinan pêk bînim, gelekî girînge ku ez hinek tiştên ku girêdayê mafê miletê Kurdistanêye  û hin tiştên ku girêdayê miletê Îraqêye, ji we re bêjim

Berzanî, pirosesa nivîsamdina destûra Îraqê ji bona miletê Kurd û Kurdistanê firsendeka zêrîn e, lê eger ew tiştên ji me tê xwestin em nekin, wê ev firsend ji destê me biçe û nema êdî carek din firsendên waha zêrîn   dikeve destê me.

Berzanî, behsa wan xalên ku Kurd û Ereb li ser li hev nakin kir. Berzanî, di navbera me de gelekî xal henin. Piroblemên sîyasî ku Kurdan eleqeder dike, pirsa nasnama Îraqê, pirsa pêşmerga, pirsa serkaniyên xwezayî  û mada 58an ne. Her wusan piroblemên din jî hene, wekî mafê mirovan mafë jinan û hin piroblemên din.

Berzanî, ji bona munaqişekirina li ser destûra Îraqê, ji Parlementoya Kurdistanê û hêzên sîyasî xwest ku heyetek ji parlamanan pê re biçin Bexdayê. Berzanî; da dîyarkirin ku biryara dawî li ser daxwazên Kurdan, biryara Parlamentoyê ye. Em li bexdayê tu biryarî nastînin û divê Parlamentoya Kurdistanê ji bona civîneka din ya awarte amadebe û ez wusan bawer im ku  piştî munaqişeyên li Bexdayê wê parlamento carek din kombibin û biryar li sere dan û sitendinê me bide.

Berzanî, em qebûl nakin ku nasnama Îraqê Îslamî be. Em  rêza hemû dînan digirin barabêtir rêza dînê Îslamê digirin ku dinê piranîyê ye, lê em qebûl nakin ku nasnakma dinê Îslamê li ser ya Îraqê were ferz kirin. Ereb dixwazin Îraqê bike perçek ji umeta Ereb, lê em ne perçekî ji umeta ereb in

Çevkanî: Peyamnêr

Ji Erebî: Dilbirîn.