Berzanî di Parlamentoya Îraqê de li ser şêweyê pêkve jîyana Ereb û kurdan axifî

KSN/ 19/6 2005- Serokê Kurdistanê Mesûd Berzanî îro li Bexdayê, bi serokkomarê Îraqê Celal Telebanî û gelek terefên din re hevdîtin pêkanî. Piştî hevdîtinan Berzanî di Parlamentoya Îraqê de ewul bi erebî û paşê jî bi Kurdî axifî. Berzanî di axiftina xwe de li ser şêweyê pêkve jîyana Kurd û Ereban rawestîya û daxawazên miletê Kurd gihand Hukumeta Îraqê.

Berzanî, divê Îraq li ser esasê Îraqeka Federal û bi  lihevkirina herdû neweyên mezin  Kurd û Ereban were avakirin ku çewa di qanûna demî de hatibû nivîsîn. Divê Qanûna demî bibe qanûna Îraqê ya daîmî. Bi cî anîna mada 58an û rewşa Kerkukê were zelalkirin.

Berzanî di hevdîtînên bi partîya Îslamî ya Îraqê re, da zanîn ku divê pêşî li kiryarên terorî were girtin û  dînê Îslama pîroz û karên  terorî tevlihev neyêkirin.