Alim û Mufekirên Musliman teqînên Londonê şermezar kirin

KSN/  14/7 2005- Alim û Mufekirên Musliman kiryarên terorî yên li Londonê bi tûndî şermezar kirin û dan dîyarkirin ku ew kesên van bûyerana dikin ne Musliman in.  Yusuf el-Qerdawî, Muhammed Huseyîn Fadlallah, Muftîyê Siûdîya Erebî Ebduleziz Ebdullah bin Muhemmed Eli Şeyh, şêxê el-Ezherê  Muhemmed Seyyid Tentawî, Ayetullah Nasir Mekarim Şirazi, nivîskar Muhammed es-Safer û Dr. Ebdulmutî Beyumî, derbarî teqînên li Londonê de daxwîyanî dan û bûyer şermezar kirin.

Bê guman ev helwesteka hêjaye ku kesên li nav cîhana Muslimanan navdar in, li dijî kuştina mirovên sivîl û bêrî derdikevin û şermezar dikin. Lê bêdengîya li himberî terora li Îraqê, mirovan xemgîn dikin. Heroj li Îraqê bi dehan kesên bêrî û zarok tên kuştin, divê ev kesên navdar bi awakî tundî li hemberî van kiryarên nemorovî jî derkivin.

Di salên 1988an de ez li Qeter bûm û min Yusuf el-Qerdawî di Mezgefta Umer binî Xetab de dît. Di suhbetekî de Qerdawî, digot  şoreş Îslamî bu du awayan dibe. Yekemîn, wek şoreşa Îranê ku xelkê li ser eskerîyê înqilab kir. Duemîn, ji nava eskerîyê general derkevin û înqilabê bikin. Wekî din ez li dijim ku hin gurûb bi navê Muslimanan derdikevin û şerê çekdarî dikin, ev şer ji bilî wêrankirinê bi kêrî tiştek nayê.

Ez hêvî darim ku Yusuf el-Qerdawî hê jî li ser wê fikra xwe be. Lê li hemberî kiryarên li Îraqê bi navê Îslamê tên kirin, bê denge.

Amedakar û  şîrove: Dilbirîn

Çevkanî;: Yanî Şefak