Hevpeyvîn li gel Dr. Abdulbasid Seyda li ser rewşa Kurdistana Sûriyê

 KSN/ 21/5 2005- Îroj Edîtorê Portela ( Serhed.Net) Dilbirîn Şerefdîn bi rêya telefonê bi Rewşenbîrê  Kurdistan Sûriyê Dr. Ebdulbasid Seyda re li ser rewşa Sûriyê û bi tayîbet li ser pirsa Kurd hevpeyvînek kir. Dr. Abdulbasid Seyda da dîyarkirinê ku pirsa Kurd pirseke du serî ye, em wek milet ji hemî mafê xwe yên civakî, kulturî, netewî û sîyasî bêpar in. Pirsa miletê kurd li Sûriyê ne tenê pirsa Nasname û girtina mafê hemwelatîyê ye.

**

Pirs: Hûn dikarin ji me re behsa rewşa Sûriyê û bi gelemperî behsa Kurdistana  başûrê rojava (Kurdistan Sûriyê) bikin û Kurd di çi rewşê da ne?

- Di serî de divê em bizanibin ku rewşa miletê Kurd li her deverê ji ya heremê cudanîne û miletê Kurd jî li gora     şert û mercên demê û heremê di bin bandora guherînan de dimîne. Vêca piştî 12 Adarê dewleta Sûriyê dizane ku êdî wekî berê nameşe û  dixwaze hinek guherînan çêbike, lê dixwaze guherînan li gora xwe pêkbîne û Kurdên welatperwer li dervayê vê meselê bihêle. Ev helwesta dewleta Sûriyê bersîva daxwazên milet nede û miletê Kurd bi van tiştên ku dewlet dixwaze pêkbîne razî nabe,  wekî nasname  û mafê hemwelatîyê û hin tiştên din.

Pirsa Kurd du serî ye, em wek miletek ji hemî mafên xwe yên  mirovî, civakî, netewî û sîyasî mehrûm in. Miletê Kurdek nikarin di daîrên Hukumetê di cîyê bilin de wezîfe bigirin ji xwe derîyê eskerîyê li miletê Kurd girtîye. Kurd nikarên bixwînin ên dixwînin jî nikarin wezîfe bigirin. Yanî pirsa kurd li Sûrîyê ne tenê pirsa nasnamêye, belkî pirsa miletek e.

**

Pirs: Di van guherînan de rola hêzên Kurd çiqas hene, an jî Kurd ew rola ku jê tê xwestin bi cî tînin an na?

-  Ez di xwazim bi gelemperî bêjim ku miletê Kur li Kurdistana Sûriyê miletek hişyar û têgihîştî ye. Kurd li gora xwe hin tiştan dikie, lê ev têrê nake. Kurd dikarên hê roleka baştir bilîzin, lê mixabin eger bi vî awayê here ez karim bêjim rola Kurdn roleka qels e.

**

Pirs: Têgotin ku Îxwanulmuslîmîn li dijî mafê miletê kurd e û miletê kurd wek milet qebêl nake, gelo rastîya vîya  çîye tiştek waha heye ku Îxwanulmislîmîn li dijî mafê miletê kurd e?

- Na! ev ne raste. Ev cara yekemîne ku  Îxwanulmuslîmîn berî çend rojan beyanek derxist ku hebûna Kurdan qebûl dike û  miletê kurd ji hemî mafê xweyê mirovî û netewî bêparin û divê ev mafa were qebûl kirin. Erê beyana Îxwanulmuslîmîn bersîva hertiştî nade lê gavek erênîye û fêda me Kurdan tê de heye. Îxwanulmuslîmîn gurûba herî xurt e li Sûriyê û divê em kurd bi Îxwanulmuslîmîn re bidin û bistînin. Wekî din jî Erebên serbixwe wek Rewşenbîr û Nivîskarên wan jî piştgirîya Kurdan dike û dibêjin êdî  Sûriyê bi vîrengî nema kere bimeşe û divê guhertin çêbe.

**

Pirs: Gelo tu bêje kê Şêx Meşûqê Xeznawî ravandibe?

- Dewlet dibêje haya me ji revandina Şêx Meşûqê Xeznawî tune û delwt dixwaze têxe stûyê birayê wî, ji ber ku navbera Şêx Meşûq û birayê wî tunebû. Lê ev tişteka neraste, ji berkû dinava me de normale ku navbera meriv û birayê meriv tunebe, lê revandin, wendakirin û kuştin ne mukune ku mirov bine serê birayê xwe. Bi çi awayî dibe bile be îla dewlet agah ji vî yekê heye û bê destê dewletê ne mumkune ku tiştek waha bibe.

Serokê Sûriyê Bişar Esed gazî hinek mezinê eşîran Kurdan kuribûn, wan kesan derbarî revandina Şêx Meşûq de pirsîbû, lê Bişar Esed gotîye ku haya me ji vê yekê tune. Piştî  wendabûna Şêx Meşûq, yekê Ereb binavê Elî el -Ebdulah jî wendabû û hê tu agahî derbarî wî de jî tune. Mixalifeta Sûriyê li Şamê civînek  çêkir û Îxwanimuslîmîn peyamek şandibû wê civînê û  Elî el-Ebdulah vekirî peyama serokê Îxwanulmuslîmîn Eli Beyanunî xendîye û paşê ji wendabûye.

**

Pirs: Apê serokê Suriyê Rifet Esed dixwaze bizivire Suryê, tu bêje ew  karibe bandora xwe li ser rejma Suriyê bike?

- Dibe ku Emerîka û Rifet Esad li hevdûkiribin ji ber ku Rifet Esad dibêje ez û Îsraîl dikarin li hevdû bikin. Lê miletê Sûriyê ji Refet Esad haznakin, lewra mirovek mucrim e û destê wî di xwîna bi hezaran kesan de haye wekî mesela Hemayê û hwd. Rifet Esed dibêje Sûriyê di xeterê daye ez ê herim alîkarîya welat bikim, lê bi ya min nikare tiştek bike, ji ber ku mixalifeta Suryê qels e ka Emerîka kare dinva rejmê bixwe de guherînan pêkbîn an na ew tiştekî dine.