Ew dewleta ku nikaribe li welatê xwe aştîyê pêk bîne wê bi çi rûyê behsa aştîyê  bike!

STOCKHOLM; 2/5 2005- Dewleta Tirk jî îro pêve bê ku raya giştî pê bihese, wê emr û fermanan dîrek  bi rêya xeta têlefona  sor ji dewleta Îsraîl bigire. Li ser daxwaza serokwezîrê Îsraîl Ariel Şaron’ wê di navbera dewleta Tirk û ya  Îsraîl de, xetek sor ya telefonê were kişandin. Ariel Şaron’ bi kiryarên xwe ji K. Ataturk kêmtir nine, lê Ariel Şaron  dibêje; ez heyrana nêrîn û Pêşniyarên Erdogan mame. Birastî jî ew huner  di Erdogan de heye ku mirov ji hunerên wî re  heyran bimîne? An jî Erdogan sedaqet daye Îsraîl ku wê emr û fermanên tên dayîn, bêkêmasî bi cî bine?

 Bi ya min dewleta Tirk ji bilî nabaşî û dek û dolabên genî bi kêrî tu tiştek dinê  nayê. Ew dewleta ku nikariba li welatê xwe aştîyê pêk bîne, ma wê çawa kirba behsa aştîyê bike! Erdogan bi emr û fermana serokê Emerîka George W Bash çû Îsraîl. Berîya Erdogan biçe Emerîka, divîyabû hin pîlan û piroje îmza bikira  û rola ku ji Erdogan re tê dayîn bihata gotin.

Rolên xirab tim ya dewleta Tirk bûye û Erdogan vê rola xirab bi seleta aştîya navbera Îsraîl û Filstîn, di xwaze bide qebûl kirin. Dewleta Tirk di Rojhilata Navîn de xwedî  tu desthiladarîyek nîne, vêca wê çewa karibe  aştîyê di  navbera Îsraîl û Filistîn pêk bîne.

Serokwezîrê Îsraîl Ariel Şaron, di  civîna çapemenîyê de dibêje;   ew            dixwaze ku ji tecrûbe û hunera Erdogan fêde bibîne. Dewleteka wek Îsraîl ku li ber destê Emerîka perwerde bûye û di werê teknîk û eskerî de dewletek herî serketîye, ma ji bilî xizmet bi Erdogan,  wê çi pêwîstbûna Îsraîl bi Erdogan hebe?. Bi rastî wek din mirov tu rêyek din  nabîna û tu meneyek din nade axaftinên Ariel Şaron.

Ya herî balkêş ew e ku rayedarên Tirk, berê diçin Îsraîl û paşê derbasî Filistîn dibin.

Dilbirîn